Vazhdo përpara për të hyrë në rezultatet e sugjeruara

    Si të krijosh historinë tënde

    Superpritësit Tereasa dhe David ndajnë strategjitë e tyre të preferuara për rrëfimin e historive.
    Nga Airbnb, më 26 maj 2021
    Lexim 8-minutësh
    Përditësuar më 26 maj 2021

    Veçantitë

    • Gjetja, krijimi dhe ndarja e historisë sate është një mënyrë për t'u lidhur me vizitorët

    • Mendo për përvoja në banesën apo zonën tënde që vizitorët nuk mund t'i gjejnë tjetërkund

    • Siguro praninë e banesës sate në mediat sociale

    • Trajtoje çdo pengesë si mundësi për të mësuar dhe për t'u rritur

    • Zbulo më shumë në udhëzuesin e plotë për ta çuar pritjen e vizitorëve në një nivel tjetër

    Superpritësit Tereasa dhe David e dinë se ç'do të thotë fuqia e rrëfimit të historive. Si prindër, aktivistë, drejtues kreativë, autorë me vepra të botuara dhe pronarë të kampit Wandawega në Elkhorn, Wisconsin, kanë mësuar se rrëfimet mund t'i bashkojnë njerëzit. "Ndërsa filluam të zbulonim dhe të postonim detaje të historisë së kampit, si lokali ku shitej fshehtas alkool në vitet 1920, një vendtakim bandash, një bordello, një kamp veror për komunitetin letonez të refugjatëve, si dhe lidhjen tonë me të, kuptuam se njerëzit krijonin vërtet një lidhje me të," thotë Tereasa.

    Më poshtë ata ndajnë disa këshilla të vyera se si të gjesh dhe të krijosh historinë e banesës sate.

    1. Gjej diçka që e bën të veçantë ambientin

    Tereasa: "Edhe nëse hapësira jote nuk është një lokal shekullor ku shitej fshehurazi alkool, ka gjithmonë një histori për të treguar. Për të gjetur tënden, fillo të gërmosh:

    • Cila është historia e banesës tënde?
    • Çfarë përvojash janë unike për qytetin tënd që vizitorët nuk mund t'i gjejnë diku tjetër?
    • Cilat janë të rejat interesante që mund t'i marrësh si të mirëqena?

    Bëj disa kërkime dhe shtoji këto detaje në listimin tënd."

    David: "Ka kaq shumë gjëra që mund të ndash në listimin tënd përveç numrit të dhomave të gjumit dhe banjave. Njerëzit duan të dinë se ku mund ta pijnë kafen e përkryer, duan të dinë vendet e tua të preferuara, prandaj tregoju gjithçka që e bën unike përvojën që mund të ofrosh. Vizitorët po kërkojnë një lidhje dhe një arsye për t'u angazhuar emocionalisht dhe historitë janë ato që na bashkojnë."

    2. Nuk është nevoja të jesh perfekt

    David: "Që në fillim mësuam se duhet t'i menaxhonim paraprakisht pritshmëritë e njerëzve, sepse gjëja e fundit që duam të bëjmë është t'i zhgënjejmë ata. Kështu krijuam "Manifestin e pritshmërive të ulëta". Është një mënyrë argëtuese për të prezantuar jetën rustike të kampit. Ai ua bën të qartë njerëzve se çfarë të presin, si për shembull insekte të pakëndshme, krijesa pylli dhe mungesë e ajrit të kondicionuar, prandaj nëse të duhen çarçafë egjiptianë ose lukse moderne, ky mund të mos jetë ambienti që bën për ty."

    Tereasa: "Nuk jemi tipa me pretendime. Këtë përpiqemi ta vëmë në dukje edhe me gjuhën që përdorim për të përshkruar hapësirën tonë. Vendosëm të ishim të sinqertë me njerëzit, duke thënë disa të vërteta të dhimbshme por me humor. Përdorim shumë hiperbola dhe kjo mendoj është ajo që na bën të dukemi me humor dhe më të afrueshëm. Dhe nuk është nevoja të jesh profesionist shkrimesh për të komunikuar mirë, mjafton ta përshkruash ambientin tënd në mënyrë vërtet modeste."

    David: "Kur shfletoj Airbnb, më pëlqen të kuptoj personalitetin e një pritësi nga mënyra se si përshkruan ambientin e tij. Veçanërisht nëse do të ndajmë së bashku një hapësirë, dua të di që je tip me humor e me të cilin do të më pëlqente të rrija. Mos u mundo të shtrembërosh realitetin. Mos u mundo të shtiresh sikur je absolut në gjithçka. Thjesht trego transparencë dhe sinqeritet e pse jo edhe humor, sepse njerëzit duan të ndihen rehat kur vijnë të qëndrojnë në ambientin tënd."

    3. Shfrytëzo mediat sociale

    Tereasa: "Për të rritur interesin dhe prenotimet, siguro praninë e banesës sate në mediat sociale. Në fakt, shumica e njerëzve na gjejnë në mediat sociale fillimisht. Ata gjejnë fotografitë tona ose përmes profilit tonë të Instagramit dhe është me të vërtetë një mënyrë e shkëlqyer për të krijuar një audiencë dhe për t'i ftuar të provojnë jetën në kamp. Disa sugjerime:

      • Mundohu të ndash momentet e jetës të cilat njerëzit duan të përjetojnë personalisht. Do të duash ta mbash atë libër pranë krevatit dhe një filxhan kafeje që nxjerr avull, me pamje nga dritarja. Gjëra si këto.
      • Stili i veçantë i ambientit dhe fotografitë cilësore janë një element i rëndësishëm për një rrëfim vizual. Bëj që të jetë bindës dhe i bukur!"

      David: "Kur njerëzit vizitojnë Wandawega, nuk di se sa herë mund të kem dëgjuar prej tyre se kanë pare një fotografi në Instagram dhe duan të vrapojnë atje për ta përjetuar personalisht. Instagrami kthehet në një listë momentesh dhe një pamje vizuale e hapësirës sate për audiencën. Kjo mund të jetë shpesh edhe arsyeja që merr prenotime."

      Mos u mundo të shtiresh sikur je absolut në gjithçka. Thjesht trego transparencë dhe sinqeritet e pse jo edhe humor.
      David,
      Elkhorn, Wisconsin

      4. Vazhdo "të gabosh"

      David: "Në fillim bënim shumë gabime. Por kemi mësuar t'i pranojmë ato që i quajmë gabime dhe rrëmujën e jetës. Për shembull, me rrëfimin e historive, mësuam se mund edhe të teprohet. Edhe pse njerëzve u pëlqen të dëgjojnë për zonjën e bordellos, mafian dhe vrasjet, nuk duan të dinë domosdoshmërisht se ku ndodhin këto gjëra, veçanërisht nëse duhet të flenë atje. Me kalimin e kohës do të zbulosh se çfarë funksionon dhe çfarë jo, si dhe çfarë është më mirë për audiencën tënde."

      Tereasa: "Për ne, të gabosh do të thotë ta konsiderosh çdo pengesë si një mundësi për t'u rritur. Kështu mëson."

      5. Trego rrugëtimin që ke ndjekur

      Tereasa: "Kur e nisëm këtë rrugëtim, pata shumë frikë të ndaja fotografitë tona ‘përpara’. Mendova se askush nuk do të donte të qëndronte tek ne për shkak hapësira dukej shumë keq. Por interesin më të madh e morëm kur vumë fotografitë ‘para dhe pas’."

      David: "Njerëzit e vlerësojnë sinqeritetin. Ata duan të dinë si është procesi. Pra po kërkojnë një lidhje personale, prandaj mos ngurro të ndash pjesë të rrugëtimit tënd personal. Tregoje historinë tënde unike, me vërtetësi dhe sinqeritet."

      Veçantitë

      • Gjetja, krijimi dhe ndarja e historisë sate është një mënyrë për t'u lidhur me vizitorët

      • Mendo për përvoja në banesën apo zonën tënde që vizitorët nuk mund t'i gjejnë tjetërkund

      • Siguro praninë e banesës sate në mediat sociale

      • Trajtoje çdo pengesë si mundësi për të mësuar dhe për t'u rritur

      • Zbulo më shumë në udhëzuesin e plotë për ta çuar pritjen e vizitorëve në një nivel tjetër
      Airbnb
      26 maj 2021
      A ishte e dobishme kjo?