Si të marrësh recensione me 5 yje

Recensionet mund të të ndihmojnë të përmirësosh listimin, ta bësh të shfaqet më lart në rezultatet e kërkimit dhe të kualifikohesh për statusin e superpritësit. Prandaj të vjen natyrshëm të përpiqesh për t'i marrë ato pesë yje sa herë që dikush qëndron te ti.

Duke qenë se superpritësit kanë një vlerësim prej 4,8 e lart, ata e dinë se si mund të merren recensione me pesë yje. Në videon e mësipërme, biseduam me Catherine dhe Bryan, superpritës në Columbus, Ohio, të cilët ndanë me ne sugjerimet më të mira për të marrë recensione të shkëlqyera.

“Një nga mënyrat më efektive për të bërë që vizitorët të kënaqen me përvojën e tyre është duke i përcaktuar pritshmëritë para se të shtypin butonin 'prenoto'," thotë Catherine. “Na pëlqen të japim sa më shumë informacion në faqen e listimit tonë, qoftë edhe thjesht ‘Shtëpia është më shumë se 100-vjeçare, prandaj dyert e saj kërcasin.’”

"Për sa i përket dekorit dhe hapësirës, gjëja më e rëndësishme është që vizitorët të ndihen si në shtëpi," thotë Catherine. “Hiq të gjitha fotografitë e tua personale dhe gjërat e panevojshme.” Kjo për arsye që vizitorët të ndihen rehat, edhe pse është gjithmonë ide e mirë të shtosh detaje të veçanta për ta bërë ambientin më të ngrohtë.

Edhe një dekor i mirëmenduar mund t'i ndihmojë vizitorët të ndihen të mirëpritur. "Kjo nuk do të thotë që duhet ta bësh gjithë kuzhinën nga e para", shton Bryan. "Ambienti yt duhet të ndihet i rehatshëm, i këndshëm, i bollshëm dhe i pastër."

“Kur njerëzit vijnë dhe qëndrojnë tek ti, ti nuk ndan vetëm shtëpinë tënde, por edhe qytetin tënd,” thotë Catherine. Ajo dhe Bryan u ofrojnë vizitorëve shampo, balsam dhe larës fytyre të prodhuara në vend, si dhe një sërë librash artistësh nga një sipërmarrës i zonës. “Na pëlqen të tregojmë për Kolombin nga perspektiva jonë,” thotë Catherine.

"Pavarësisht përpjekjeve maksimale për të qenë një pritës me pesë yje, ka gjithmonë diçka nuk do të shkojë si duhet në një moment," thotë Catherine. Bryan është dakord me këtë dhe shton: "U gjendëm njëherë në një situatë kur na shpërtheu një tub dhe përmbyti gjithë katin e parë."

Vizitorët e tyre që ishin duke festuar natën e parë të martesës, nuk po arrinin të kontaktonin me ta. "Pas asaj që ndodhi, vendosëm të marrim një bashkëpritës, në mënyrë që nëse humbasim sërish telefonatën nga një vizitor, të jetë dikush që të kujdeset për gjërat," thotë Catherine.

Pavarësisht llojit të ambientit që ofron në Airbnb, recensionet e vizitorëve mund të jenë të dobishme dhe siguruese. "Kur dikush na lë një recension të shkëlqyer, ai thjesht vërteton gjithçka që jemi duke bërë, dhe që me sa duket ia ka vlejtur," thotë Catherine. "Na ka ndihmuar të ndërtojmë jetën që duam."

Mëso më shumë në video-udhëzuesin e plotë për fillestarët

Informacioni në këtë artikull mund të ketë ndryshuar që nga publikimi.