Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

Ndihmë për ty që të bëhesh një pritës më i ndërgjegjshëm për mjedisin

Mëso rreth pritjes së vizitorëve me ndërgjegjshmëri për mjedisin, në përditësimin e prillit nga Bordi Këshillimor i pritësve.
Nga Airbnb, më 21 pri 2021
Lexim 4-minutësh
Përditësuar më 28 pri 2021

Veçantitë

  • Mëso se si Airbnb dhe Bordi këshillimor i pritësve po i ndihmojnë pritësit të bëhen më të ndërgjegjshëm për mjedisin

  • Anna Jones nga Bordi këshillimor ndan me ne rëndësinë e madhe që ka mjedisi për të

  • Ndiq çdo përditësim për ecurinë e Bordit këshillimor të pritësve në vitin 2021

Ndajmë çdo muaj përditësimet më të fundit nga Këshilli i bordit të pritësve dhe prezantojmë anëtarët e tij që të mund t'i njohësh.

Përshëndetje të gjithëve,

Unë jam Ana Jones, anëtare e Bordit këshillimor të pritësve dhe ndërmjetëse në komitetin e ndërgjegjësimit për mjedisin. Muajt e fundit kemi takuar drejtuesit e Airbnb për të zbuluar mënyrat për të mbështetur pritësit që të respektojnë më shumë mjedisin.

Ndihem e emocionuar që gjatë festimeve të Ditës së Tokës, më 22 prill, do të ndaj shumë detaje rreth punës sonë.

Ndihmojmë komunitetin tonë të bëhet më i ndërgjegjshëm për mjedisin

Është e kuptueshme që shumë pritës nuk dinë nga t'ia fillojnë për t'u bërë më të ndërgjegjshëm për mjedisin. Informacioni i tepërt i disponueshëm mund të krijojë konfuzion.

Kur u bëra pjesë e Bordit këshillimor, një nga qëllimet e mia ishte ta bëja ndërgjegjësimin për mjedisin më të kuptueshëm për pritësit. Besoj fort se duke mbështetur dhe festuar arritjet e njëri-tjetrit, mund të sjellim ndryshime pozitive.

Ja se si po punojmë me Airbnb për këtë gjë:

  • Po prezantojmë një seri me mësime praktike rreth ndërgjegjësimit për mjedisin: Airbnb punoi bashkë me Programin e Kombeve të Bashkuara për Mjedisin, një kampion botëror për mjedisin, Fondin Botëror të Kafshëve të Egra, organizatën kryesore botërore të ruajtjes së tyre dhe komitetin e ndërgjegjësimit për mjedisin të Bordit këshillimor të pritësve për të krijuar materiale me qëllim edukues për pritësit. Seria përmban artikuj të ri si udhëzuesi i fillestarëve rreth ndërgjegjësimit për mjedisin si pritës dhe udhëzime për promovimin e turizmit të ndërgjegjshëm te vizitorët e tu. Serinë do ta pasurojmë më tej gjatë vitit, ndaj na ndiq për të zbuluar më shumë mënyra për të respektuar mjedisin.
  • Po ndajmë mënyra se si pritësit po bëjnë diferencën: Praktikat e ndërgjegjësimit për mjedisin mund të ndryshojnë shumë në varësi të vendit ku jeton dhe burimeve që ke në dispozicion. Për t'u treguar pritësve se si të jenë më të ndërgjegjshëm për mjedisin në vende dhe hapësira të ndryshme, do të vëmë në objektiv pritës nga e gjithë bota që respektojnë mjedisin. E para është Superpritësja Tiffany, e cila ka një lozhë plazhi në Hollywood Beach, Kaliforni.
  • Po kërkojmë partneritete për energjinë e rinovueshme: Airbnb po kërkon partneritete me kompani që ofrojnë shërbime ekologjike në komunitete të caktuara, në mënyrë që pritësit të kenë më shumë qasje në energjinë e rinovueshme. Së shpejti, Airbnb do të fillojë një program pilot në SHBA dhe nëse pritësit e konsiderojnë të dobishëm, do të punojmë që të ofrojmë nisma të ngjashme për të gjithë komunitetin global të pritësve.

Jam shumë e lumtur të them që ky është vetëm fillimi! Komiteti i ndërgjegjësimit për mjedisin është i etur të zbulojë mënyra të reja për të ndihmuar pritësit të respektojnë më shumë mjedisin dhe gjithashtu të kursejnë para. Gjatë vitit do të ndajmë më shumë rreth kësaj teme.

Përse mjedisi ka kaq shumë rëndësi për mua

Jeta pranë detit në Pembrokeshire, Uells, zgjoi një pasion të ri dhe më frymëzoi të krijoj një stil jetese më të ndërgjegjshme për mjedisin. Jam e lumtur që mund të ndihmoj pritës të tjerë ta fillojnë këtë rrugëtim. Pak më shumë rreth meje:

Në vitin 2017, unë dhe familja ime donim të ndryshonim stilin tonë të jetesës dhe kishim shumë dëshirë të krijonim një listim në Airbnb. Pastaj kjo fermë e bukur dhe e vjetër doli në shitje dhe ne u dashuruam me të. Të gjitha ndërtesat datojnë që nga viti 1650, prandaj këtu ka kaq qetësi dhe sharm.

Këtu nuk bëhet fjalë vetëm për peizazhin dhe bregdetin e pakrahasueshëm. Njerëzit janë kaq frymëzues dhe ekziston një lidhje e fortë me tokën dhe me atë çfarë bëjnë. Është ngjitëse! Komuniteti ynë lokal është pjesë e përvojës së vizitorëve, duke ofruar nga sapunët e prodhuar në zonë deri tek arti i vendasve që zbukuron muret!

Kemi dy listime. Mamaja ime dhe unë bëjmë të gjitha ndërrimet dhe stilizimet. Babai im kujdeset për mirëmbajtjen. Gjithçka bëhet nga ne, si një skuadër e vërtetë. Ndihemi plotësisht të përfshirë dhe pasioni për vendin ku jetojmë është i pafund.

Kam përmbledhur qasjen tonë ndaj ndërgjegjësimit për mjedisin në përshkrimet e listimeve. Gjithashtu, i kemi shpërndarë në letër në vilat e fshatit që njerëzit të lexojnë dhe të mësojnë rreth asaj që bëjmë. Edhe drunjtë për ngrohje vijnë nga pemë që i rrisim vetë me ndërgjegje për mjedisin.

Jam një nga anëtarët themelues të Bordit të komunitetit të Airbnb në Mbretërinë e Bashkuar, i cili filloi aktivitetin në vitin 2019 dhe drejtoj iniciativa rreth ndërgjegjësimit për mjedisin gjatë pritjes së vizitorëve, me ekipin e Airbnb dhe një numër pritësish në Mbretërinë e Bashkuar.

Ka qenë një rrugëtim magjik në kontakt me natyrën. Jam përshtatur me stinët, me ritmin e jetesës në bregdet dhe kjo reflektohet në çdo gjë që bëjmë këtu.

Shumë njerëz rigjejnë veten dhe natyrën kur qëndrojnë këtu.Ndonjëherë ndihem si Kupidi! Vizitorët bien në dashuri me Pembrokeshiren dhe kthehen vazhdimisht.

Bordi këshillimor i pritësve do të kthehet muajin e ardhshëm me më shumë përditësime nga takimet tona të bordit. Ndërkohë, shpresoj shumë që seria e re rreth ndërgjegjësimit për mjedisin të jetë e dobishme për ty.

Mirupafshim! (Ose siç themi ne këtu në Uells, 'Iechyd da!’)

Anna Jones

Informacioni në këtë artikull mund të ketë ndryshuar që nga publikimi.

Veçantitë

  • Mëso se si Airbnb dhe Bordi këshillimor i pritësve po i ndihmojnë pritësit të bëhen më të ndërgjegjshëm për mjedisin

  • Anna Jones nga Bordi këshillimor ndan me ne rëndësinë e madhe që ka mjedisi për të

  • Ndiq çdo përditësim për ecurinë e Bordit këshillimor të pritësve në vitin 2021
Airbnb
21 pri 2021
A ishte e dobishme kjo?