Pse çmimi yt mund të shfaqet ndryshe në kërkime

Nga viti i kaluar, kemi testuar mënyra të ndryshme për të shfaqur çmimet e qëndrimeve në rezultatet e kërkimit të listimit.

Aktualisht, klientët në disa zona e gjejnë si çmimin për natë ashtu edhe çmimin total në rezultatet e kërkimit. Duke filluar nga ky muaj, po prezantojmë një eksperiment të ri çmimesh për të nxjerrë në pah vetëm çmimin total të një listimi për disa klientë që kërkojnë qëndrime, duke përfshirë çmimin për natë, tarifën e shërbimit të Airbnb dhe çdo tarifë për pastrimin, kafshët shtëpiake, ose klientët shtesë.

Qëllimi është të krijojmë një përvojë prenotimi më të lehtë, më të shpejtë dhe më të qartë për klientët. Ja se çfarë duhet të dish për këtë eksperiment çmimesh dhe për mënyrën se si të japësh përshtypjet e tua.

Klientët në disa zona do të gjejnë në rezultatet e kërkimit vetëm çmimet totale të qëndrimeve krahas listimeve. Ky çmim total nuk do të përfshijë taksat, të cilat shfaqen si zë më vete në faqen e pagesës.

Kjo provë është e vlefshme për klientët që kërkojnë qëndrime në vendndodhje të caktuara në mbarë botën. Gjatë provës, nëpër listime mund të shfaqen banderola me madhësi të ndryshme, që lajmërojnë klientët për ndryshimin.

Jo. Shuma që paguan klienti dhe shlyerjet e pagesave të pritësve nuk ndikohen aspak.

Je gjithmonë ti që ke kontroll mbi çmimin që vendos për hapësirën tënde. Gjatë kësaj prove, ke ende mundësi që ta rregullosh çmimin për natë në seksionin Çmimet dhe disponueshmëria të detajeve të listimit.

Shërbimin tonë ekzistues e projektuam për të përcaktuar tarifat dhe taksat e ndryshme, në mënyrë që klientët t'i kuptojnë plotësisht tarifat e mundshme para se të paguajnë. Gjatë vitit të kaluar, kemi parë një rikthim të ndjeshëm të udhëtimeve në Airbnb dhe ndërsa besojmë se formati ynë aktual funksionon mirë, po përpiqemi vazhdimisht të përmirësojmë përvojën e të gjithëve.

Duke testuar mënyra të ndryshme për shfaqjen e çmimeve në listime, shpresojmë që të identifikojmë nëse një format i ri mund të nxisë prenotimet e pritësve dhe t'i shërbejë më mirë komunitetit tonë global.

Pavarësisht nëse listimi ndodhet në një nga vendndodhjet e përfshira në eksperiment, ke gjithmonë mundësinë ta përditësosh përshkrimin e listimit për të vënë në dukje se çfarë të veçante ke ti dhe ambienti yt.

Gjithashtu

, mund të përshtatësh dhe të përmirësosh strategjinë e çmimeve duke përdorur mjetin e ri të shfaqjes paraprake të çmimit. Ky mjet të jep një zbërthim të çmimit të klientit dhe të shlyerjes së pagesës, direkt nga llogaria jote e pritjes së klientëve.

Ndërsa vazhdojmë të testojmë mënyra të reja për të shfaqur çmimet në rezultatet e kërkimit të listimit, i mirëpresim përshtypjet e tua. Na thuaj mendimin tënd për këtë eksperiment dhe si gjithmonë, të falënderojmë që je pjesë e komunitetit tonë të vlerësuar të pritësve