Çfarë duhet të dish rreth pritjes së familjeve me fëmijë

Detajet e vogla mund të bëjnë një ndryshim të madh për këdo që udhëton me fëmijë të vegjël. Ofrimi i kushteve ose pajisjeve të veçanta për familjet mund ta bëjë banesën tënde tërheqëse për më shumë klientë.

Konsidero përditësimin e banesës sate për ta bërë atë të përshtatshme për familjet. Sigurohu që të marrësh disa nga masat paraprake të sigurisë për të mbrojtur klientët dhe banesën.

• Zgjidh mobilie të forta dhe të sigurta dhe shmang xhamat, nëse është e mundur.
• Sendet e thyeshme dhe objektet e mprehta vendosi në vende të paarritshme nga fëmijët.
• Parandalo thyerjen e pjatave, duke e pajisur kuzhinën me gota dhe pjata plastike të ripërdorshme.
• Konsidero të shtosh brava nëpër dollapë dhe mbulesa mbrojtëse në prizat e energjisë
• Zgjidh materiale të qëndrueshme dhe të lehta për t'u pastruar, si pëlhura me performancë të lartë.
• Siguro artikujt e kërkuar më shpesh, siç janë peshqirë dhe çarçafë shtesë.
• Mbuloji dyshemetë prej druri të fortë me qilima që mund të lahen.
• Instalo alarmet e tymit dhe monoksidit të karbonit dhe zëvendësoji bateritë rregullisht.
• Siguro një fikës zjarri pranë sobës së kuzhinës.
• Shto numrat e shërbimit lokal të urgjencës në manualin e shtëpisë dhe në një kartë reference të shpejtë për klientët.

Pasi ta kesh përgatitur banesën, përditëso detajet e listimit dhe përditëso shërbimet për të tërhequr prenotime dhe për të vendosur pritshmëritë. Klientët mund të përdorin filtra kërkimi për të ngushtuar alternativat e tyre.

• Shto të gjitha shërbimet që ofron, duke përfshirë artikuj të njohur si krevate fëmijësh dhe karrige të lartë.
• Nëse ke lavatriçe, përmend nëse siguron detergjent rrobash dhe nëse kjo gjë ka tarifë shtesë
• Nëse ke vaskë, shto një shënim në detajet e listimit dhe shto një fotografi në galerinë e imazheve.
• Kontrollo edhe një herë nëse fotografitë e tua pasqyrojnë gjithçka që ke përshkruar.
• Shto rekomandime të përshtatshme për familje në udhëzuesin tënd, si kënde lojërash në afërsi dhe ku mund të marrësh ose të furnizosh produkte.

Informacioni në këtë artikull mund të ketë ndryshuar që nga publikimi.