Rekomando aktivitete lokale me këtë mjet të thjeshtë

E dimë që punon shumë për t'u ofruar vizitorëve të tu një qëndrim të pakrahasueshëm. Kjo shpesh mund të nënkuptojë dhënien e ideve vizitorëve për aktivitete argëtuese në zonën tënde, si shtigje për shëtitje, lagje për të eksploruar dhe restorante të shkëlqyera për t'u vizituar.

Ndarja e njohurive eksperte për aktivitetet lokale dhe vende që duhen vizituar patjetër, mund të bëjë një ndryshim të madh kur bëhet fjalë për rritjen e kënaqësisë së vizitorëve. Sipas të dhënave të brendshme të Airbnb nga muaji korrik 2021, pritësit që rekomandojnë aktivitete të personalizuara për vizitorët e tyre kanë një rritje të recensioneve me 5 yje.

Për ta bërë më të lehtë rekomandimin e aktiviteteve lokale, po publikojmë "Ndaj rekomandime", një mjet të ri në kutinë e mesazheve që të ndihmon ta ndash shpejt udhëzuesin dixhital dhe rekomandimet e Përvojave të Airbnb drejtpërdrejt në bashkëbisedimet me vizitorët. Duke u ofruar vizitorëve rekomandime të personalizuara nëpërmjet mjetit tonë të ri, mund të bësh që ekspertiza jote lokale të shkëlqejë dhe mundësisht të tërheqësh recensionet më të mira.

Mjeti "Ndaj rekomandimet" mund të gjendet në kutinë tënde të mesazheve për pritjen e vizitorëve. Edhe pse më parë mund të kesh kopjuar dhe ngjitur udhëzuesin tënd në bashkëbisedimet me vizitorët, tani është më e thjeshtë se kurrë të dërgosh një listë të personalizuar të rekomandimeve lokale:

1. Zgjidh ikonën me shenjën e plusit poshtë, majtas bashkëbisedimit me vizitorët e tu
2. Zgjidh "Ndaj rekomandime"
3. Zgjidh udhëzuesin tënd dhe/ose një përzgjedhje përvojash në afërsi

Nëse nuk ke krijuar ende një udhëzues dixhital, të rekomandojmë të krijosh një të tillë. Kjo është një mundësi e mirë për të rritur mikpritjen tënde dhe për t'i ndihmuar vizitorët të krijojnë kujtime jetëgjata. Mos harro të shtosh fotografi dhe sigurohu që të jenë të përditësuara.

Për të kuptuar më mirë se çfarë kërkojnë vizitorët e tu, konsidero t'i pyesësh se çfarë i bën ata që të vijnë në qytet dhe çfarë lloj aktivitetesh shijojnë, para se të japësh rekomandime. Në këtë mënyrë, mund t'i përshtatësh sugjerimet e tua sipas interesave të vizitorëve dhe me këtë mjet të ri, mund t'i bësh të gjitha në disa hapa.

“Tani që Airbnb ka prezantuar mjetin "Ndaj rekomandime", mund t'i drejtoj lehtësisht vizitorët e mi në udhëzuesin tim të përgatitur me kujdes," thotë superpritësja Myranda nga Little Rock, Arkansas.

Nga ndarja e rekomandimeve të personalizuara nuk përfitojnë vetëm vizitorët duke rekomanduar aktivitete dhe Përvoja në Airbnb, por mund të ndihmosh edhe në mbështetjen e komunitetit tënd duke i inkurajuar vizitorët të mbështesin bizneset vendase.

Përveç udhëzuesit, mund të përfshish Përvojat më të vlerësuara pranë listimit tënd që janë të disponueshme gjatë qëndrimit të vizitorit. Pritësit e përvojave janë pritës të Airbnb si ti, por në vend të qëndrimeve, ata ofrojnë aktivitete unike për vizitorët, si shëtitje, kurse dhe sporte në natyrë me guidë.

Nëse nuk je familjar me Përvojat në Airbnb, të inkurajojmë të vizitosh një të tillë për t'u lidhur me komunitetin lokal të pritësve dhe për të kuptuar se çfarë ka në afërsi.

Ti e njeh më mirë zonën tënde, ndaj duhet të ndihesh i sigurt ta ndash atë ekspertizë përmes rekomandimeve të personalizuara. Shpresojmë që ky mjet të të ndihmojë t'u ofrosh vizitorëve një përvojë gjithëpërfshirëse dhe mbresëlënëse me 5 yje në mënyrë më të përsosur.