Mbështetja e krizës së Ukrainës me ndihmë të menjëhershme

Miliona njerëz janë larguar nga lufta. Mijëra pritës të Airbnb.org i kanë mirëpritur ata.
Nga Airbnb, më 19 gush 2022
Video 4-minutëshe
Përditësuar më 25 gush 2023

Veçantitë

  • Në muajt pas pushtimit të vitit 2022, 6 milionë persona u larguan nga Ukraina duke kërkuar siguri

  • Pritësit hapën banesat e tyre për të ndihmuar Airbnb.org të përmbushë një angazhim për të strehuar përkohësisht 100 000 njerëz

Javën pasi Rusia pushtoi Ukrainën, artisti dhe pritësi Rafał mundi të ndiejë ndikimin që ka pasur në qytetin e tij të lindjes Wroclaw, në Poloninë jugperëndimore. Kuti me furnizime të dhuruara u grumbulluan jashtë një qendre kulturore ukrainase në lagjen e tij. Ai dëgjoi të flitej ukrainisht nëpër rrugë e nëpër dyqane.

Shumë shpejt, tre familje nga Ukraina kishin prenotuar qëndrime njëmujore, njëri pas tjetrit, në shtëpinë që ai ka publikuar në Airbnb. I shqetësuar për tarifimin e njerëzve që largohen nga lufta, Rafał kontaktoi shërbimin e klientit të Airbnb, mësoi se Airbnb.org mund të subvencionojë përpjekjet e tij dhe u regjistrua.

Sipas Këshillit të Kombeve të Bashkuara për të Drejtat e Njeriut, pothuajse 7 milionë persona u larguan nga Ukraina në gjashtë muajt pas pushtimit të muajit shkurt 2022. Miliona familje mbërritën në qytete në mbarë Evropën, vetëm me disa valixhe dhe pa e pasur idenë se kur mund të ktheheshin në shtëpi.

Në përgjigje të krizës, Airbnb.org u bëri një thirrje organizatave jofitimprurëse partnere dhe komunitetit global të pritësve: Mund të na ndihmoni të ofrojmë strehim të përkohshëm për deri në 100 000 persona që po largohen nga Ukraina?

Që atëherë, Airbnb.org e përmbushi këtë objektiv, falë një mbështetjeje të madhe globale nga pritësit, donatorët e Airbnb.org dhe organizatat humanitare që ndihmojnë njerëzit në terren.

Disa persona që iu përgjigjën thirrjes, si Rafał, janë prej kohësh pritës në Airbnb që ofrojnë qëndrime me zbritje përmes Airbnb.org në këtë kohë krize. Të tjerë, si Mary, një shkencëtare amerikane të dhënash që jeton në Berlin, ishin midis 40 000 pritësve të rinj që zgjodhën të ofronin qëndrime falas ose me zbritje përmes Airbnb.org për vizitorët refugjatë.

Airbnb.org më ofroi një mënyrë konkrete për të ndihmuar.
Host Mary of Berlin

Gjetja e një mënyre të menjëhershme për të ndihmuar

Rafał, një artist dhe pritës në Airbnb, u regjistrua në Airbnb.org menjëherë pas fillimit të luftës.

Rafał thotë se pushtimi i Ukrainës i kishte tronditur të gjithë të njohurit e tij në Poloni, por ishte i habitur nga fakti se sa shpejt miqtë dhe fqinjët e tij i ishin përgjigjur fluksit të personave të larguar nga lufta. Njerëzit dhuruan ushqime në stacionin e trenit të Wroclaw dhe mblodhën furnizime për t'i dërguar në kufirin e Ukrainës.

Ai filloi të organizonte një event muzikor bamirësie me kolegët e tij, por donte të gjente një mënyrë edhe më të shpejtë për të ndihmuar. "Një nga gjërat më të këqija është të mos kesh një vend ku të futësh kokën, një vend ku të flesh, një vend ku të kthehesh." thotë ai.


Rafał vazhdon ta mbajë shtëpinë e tij të publikuar në Airbnb.org për të mirëpritur vizitorë të zhvendosur nga krizat. Ai ka ndihmuar edhe duke përkthyer gjatëseminareve të Airbnb.org në polonisht.

Ofrimi i një hapësire të sigurt

Gjatë dy muajve në vitin 2022, Mary priti katër persona që u larguan nga Ukraina.

Në Berlin, rreth 350 kilometra në veriperëndim të Wroclaw, Mary ndiqte lajmet mbi pushtimin e Ukrainës. Kur mësoi në internet për thirrjen e Airbnb.org për ndihmë, e publikoi apartamentin e saj pa pagesë.

Më kontaktoi një nga anëtarët e ekipit tëOrganizata për Refugjatët, Azilin dhe Migracionin (ORAM), një nga partnerët e Airbnb.org. Siç kanë raportuar shumë agjenci lajmesh, qëndrimet kundër komunitetit LGBTQ+ në Ukrainë dhe në disa vende përreth e kanë shtuar cenueshmërinë e personave LGBTQ+ të zhvendosur gjatë këtij konflikti. Përfaqësuesi i ORAM e pyeti Mary nëse mund të rrinin dy persona transgjinorë në ambientin e saj.

Mary priste me kënaqësi vizitorë LGBTQ+. "E dija se apartamenti im ishte një hapësirë veçanërisht e sigurt për ta," thotë ajo.

Promovimi i lidhjeve

Pas largimit të vizitorëve të parë të Mary, Dima erdhi për të qëndruar dy javë. Dima, një burrë homoseksual te të 20-at, jetonte në Kyiv, kur rusët filluan të bombardonin qytetin. Një organizatë bazë e quajtur Safebowe ka ndihmuar Dima dhe macen e tij, Peach, të udhëtojnë përmes Polonisë për në Berlin. Atje, ORAM e ndihmoi atë të gjente strehim dhe të regjistrohej për shërbimet sociale.

Pas një udhëtimi të mbushur me pengesa, mbërritja në apartamentin e Mary ishte një lehtësim për Dima. "Isha shumë emotiv ato ditët e para" - thotë ai. "Nuk di as se çfarë ishte më e rëndësishme për mua: të qëndruarit në një hapësirë të sigurt apo thjesht të kuptuarit e mbështetjes që po marr" - thotë ai."

Javën e parë të qëndrimit të Dima, Mary ndodhej jashtë qytetit. Kur ajo u kthye në Berlin, u takuan të dy. Ata kaluan orë të tëra në tavolinën e kuzhinës së saj, duke ngrënë e duke pirë birra së bashku. Ata vazhduan të kontaktojnë edhe pasi ai u zhvendos në një apartament tjetër.

"Ishte një ndihmë shumë e madhe për fillimin tim këtu," thotë Dima.

Të bësh ndryshimin

Maria vazhdon të përcjellë mendimin e saj se sa e lehtë është të presësh vizitorë. "Nuk kam bërë asgjë të jashtëzakonshme", këmbëngul ajo. "Rrezikova. Ndoshta thjesht m'u prish pak rehatia."

Ajo e krahason këtë me historitë që kanë treguar vizitorët e saj: "Mendoj si do të përballesha unë me [gjërat] në një vend krejtësisht të huaj që nuk e kisha zgjedhur vetë, e ndarë nga familja. Është diçka e jashtëzakonshme. Është e vështirë."

Mary nuk priste të miqësohej me vizitorët e saj, por është e kënaqur nga ndjenja e komunitetit që arriti të krijohej.

"Shumë herë, edhe pse përpiqemi, nuk kemi domosdoshmërisht rezultat," thotë ajo. "Por në këtë rast, mund të bëj një ndryshim të paktën në jetën e një personi."

Informacioni në këtë artikull mund të ketë ndryshuar që nga publikimi.

Veçantitë

  • Në muajt pas pushtimit të vitit 2022, 6 milionë persona u larguan nga Ukraina duke kërkuar siguri

  • Pritësit hapën banesat e tyre për të ndihmuar Airbnb.org të përmbushë një angazhim për të strehuar përkohësisht 100 000 njerëz

Airbnb
19 gush 2022
A ishte e dobishme kjo?