Si mund të mbështesësh qëndrimet e emergjencës në kohë krizash

Kur fatkeqësitë natyrore ose konfliktet në shkallë të gjerë i detyrojnë njerëzit të largohen nga banesat e tyre, një nga nevojat e tyre më urgjente është gjetja e një vendqëndrimi. Strehimi afatshkurtër u jep atyre hapësirë për t'u përqendruar në prioritete të tjera dhe për të bërë plane afatgjata. Mund të ndikosh duke pritur vizitorë për qëndrime emergjence ose duke dhuruar në Airbnb.org.

Airbnb.org është një organizatë jofitimprurëse 501(c)(3) në SHBA që vepron në mënyrë të pavarur nga Airbnb. Puna filloi në vitin 2012, kur Shell, një pritëse në Bruklin, Nju Jork, ofroi ambientin e saj falas për të evakuuarit e uraganit Sandy. Airbnb kërkoi mbështetje nga të tjerët në komunitet dhe mbi 1000 pritës vendas i hapën banesat e tyre për njerëzit e prekur nga stuhia.

Frymëzuar nga veprimet e Shell, Airbnb zhvilloi një program që u mundësoi pritësve në mbarë botën të ofrojnë ambientet e tyre në kohë krizash. Në vitin 2020, ky program u bë Airbnb.org, një organizatë jofitimprurëse me misionin dhe bordin e saj të drejtorëve.

Sot, Airbnb.org bashkëpunon me qeveritë, OJQ-të dhe organizatat humanitare në mbarë botën për t'i lidhur njerëzit me vendqëndrime të përkohshme. Financuar nga donatorët, ai përdor platformën e teknologjisë së Airbnb dhe komunitetin global të pritësve për t'iu përgjigjur fatkeqësive natyrore, konflikteve dhe emergjencave të tjera.

Që nga viti 2012, Airbnb dhe Airbnb.org kanë lidhur gati 300 000 njerëz me qëndrime emergjence, duke përfshirë refugjatët nga Ukraina dhe njerëzit e zhvendosur nga tërmetet në Turqi dhe Siri. Në tre vitet e fundit, më shumë se 91 000 pritës në 189 vende janë regjistruar për të pritur vizitorë. Nevoja për mbështetje vazhdon të rritet.

Mund të bësh një donacion të njëhershëm, pavarësisht nëse ke apo jo një ambient për të pritur vizitorë. Nëse pret vizitorë rregullisht në Airbnb, mund të japësh një përqindje të caktuar të çdo shlyerjeje pagese. Sido që të jetë, 100% e donacionit tënd shkon për financimin e qëndrimeve të emergjencës (dhe jo për kostot operative të Airbnb.org).

Nëse je pritës i Airbnb, mund të përdorësh një listim aktual ose të konfigurosh një të ri për një pronë tjetër. Ke mundësinë ta ofrosh ambientin tënd falas ose me një zbritje përmes Airbnb.org.

Mund të regjistrohesh gjithashtu për të pritur vizitorë ekskluzivisht përmes Airbnb.org, që do të thotë se do të presësh vetëm vizitorë që kanë nevojë për qëndrime emergjence. Në këtë rast mund ta ofrosh falas ambientin tënd.

Vizitorët e Airbnb.org qëndrojnë pa pagesë për ta. Prenotimet financohen nga donacionet. Duke e ofruar ambientin tënd falas ose me zbritje, mund të ndihmosh që ndikimi i donacioneve të shtrihet më gjerë dhe të sigurosh qëndrime emergjence për më shumë njerëz.

Airbnb heq dorë nga tarifat e saj të shërbimit për qëndrimet në Airbnb.org. Rezervimet mbrohen nga AirCover për pritësit.

Vizitorët e Airbnb.org shpesh referohen ose mbështeten nga organizatat e specializuara për masat ndaj krizave dhe risistemimin e refugjatëve. Vizitorët nuk mund të aplikojnë drejtpërdrejt për një qëndrim emergjence përmes Airbnb.org.

Vizitorët që kualifikohen për qëndrime emergjence përfshijnë:

• Njerëzit e prekur nga fatkeqësitë e mëdha dhe punonjësit e ekipeve të shpëtimit që i përgjigjen atyre katastrofave në detyrë zyrtare.

• Refugjatët ose njerëzit në procesin e kërkimit të azilit, vizë speciale emigruese ose një status tjetër emigracioni me një qëllim të ngjashëm humanitar.

Vizitorët e kualifikuar mund të marrin një kredit të Airbnb.org për të prenotuar një qëndrim emergjence, ose një organizatë jofitimprurëse partnere mund të prenotojë në emër të vizitorëve dhe të menaxhojë komunikimin me pritësin.

Hapësira jote mund të ofrojë rehati për njerëzit në vështirësi. Dima, një vizitor i Airbnb.org në Berlin, u largua nga Ukraina në vitin 2022. "Isha shumë i emocionuar ato ditët e para", thotë Dima. "Nuk di as se çfarë ishte më e rëndësishme për mua: të qëndruarit në një ambient të sigurt apo thjesht mirëkuptimi dhe mbështetja që po marr", thotë ai."

Po. Duke u regjistruar për të ofruar qëndrime emergjence falas ose me zbritje, ose duke konfiguruar donacione të përsëritura nga shlyerjet e pagesave, fiton distinktivin e mbështetjes së Airbnb.org në profilin tënd si pritës.

Miliona njerëz anembanë botës janë shpërngulur nga banesat e tyre për shkak të konflikteve dhe katastrofave. Mund të bësh një ndryshim domethënës në jetën e refugjatëve, të evakuuarve dhe punonjësve të ekipit të shpëtimit duke hapur banesën ose duke bërë një donacion, për të mbështetur qëndrimet e emergjencës.