Si e mirëpriti një lagje në Romë një refugjat në shtëpinë e tij të re

Open Homes tani është Airbnb.org

Programi Open Homes i Airbnb është bërë Airbnb.org, një organizatë jofitimprurëse 501(c)(3) krejtësisht e re. Faleminderit që na ndihmove të krijojmë komunitetin e Open Homes. Mezi po presim të bëhesh pjesë e këtij kapitulli të ri.

Kur Els, një superpritëse në Romë, lexoi për programin e Open Homes në Airbnb, i pëlqeu ideja dhe vendosi të regjistrohet. Ajo ka mirëpritur udhëtarë nga e gjithë bota në shtëpinë e saj, por e dinte se ofrimi i një vendqëndrimi të përkohshëm për refugjatët ndërsa ambientohen në komunitetet e tyre të reja, do të ishte një dimension i veçantë i pritjes së vizitorëve.

Kur Refugees Welcome Italia kontaktoi Els për të strehuar Fode, një djalë të ri nga Mali, Afrika Perëndimore, të cilit iu dha statusi i refugjatit kohët e fundit. Ajo u gëzua për mundësisë që iu dha për të ndikuar pozitivisht në jetën e dikujt. Përvoja rezultoi transformuese për të dy ata.

Els u ndie në siklet por njëherazi edhe e emocionuar që do të priste Fode. Duke qenë një belge që jeton në Romë, ajo e dinte se ç'do të thotë të nisësh një jetë të re në një vend të panjohur dhe donte ta shpaguante mikpritjen që kish marrë vetë në Itali. Falë ndihmës nga Sara, një punonjëse sociale e Refugees Welcome Italia, ajo ishte tashmë e përgatitur për atë që e priste dhe e dinte se Sara do të ishte atje për ta mbështetur në çdo hap.

Menjëherë pasi u njohën, Els dhe Fode krijuan një raport të veçantë mes tyre. Fode është bashkëmoshatar me djalin e Els, e cila ndjeu një “instinkt mëmësie” ndaj tij ndërsa ai i tregonte rreth rrugëtimit të tij. Gjatë qëndrimit të tij, Fode dhe Els u kthyen nga të panjohur në familje. Edhe fqinjët e saj u bënë pjesë e jetës së Fode. Ata treguan të njëjtën mikpritje dhe ngrohtësi për Fode, siç kishin treguar në fillim për Els kur ajo u shpërngul nga Belgjika. Kur Els nuk ndodhej në shtëpi, Fode e kalonte kohën shpesh me fqinjët në katin e mësipërm, ku provonte gatime italiane dhe mësonte më shumë rreth kulturave të tyre.

Fode thotë se periudha kur qëndroi në banesën e Els ka qenë më e lumtura që kur erdhi në Itali. Ai u befasua nga gjithë këta italianë që u kujdesën për të, jo sepse ishin të detyruar, por sepse donin ta bënin një gjë të tillë. Fillimi i një jete të re mund të jetë plot stres, por është mirësia e të tjerëve që mund ta bëjë ndryshimin. Kjo përvojë ka pasur një ndikim afatgjatë në jetën e Els dhe të Fode.

Bashkoju një komuniteti në rritje që është gati të ofrojë mbështetje në periudha të vështira.

Rreth Refugees Welcome Italia

Refugees Welcome Italia (RWI) është një organizatë jofitimprurëse që bashkëpunon me programin Open Homes të Airbnb. RWI u themelua në dhjetor 2015 si pjesë e rrjetit ndërkombëtar të Refugees Welcome për të lidhur refugjatët me vendasit (familje, çifte, beqarë) që duan t'i presin ata përkohësisht.

Informacioni në këtë artikull mund të ketë ndryshuar që nga publikimi.