Ndihmoji klientët që të udhëtojnë si vendas

Airbnb filloi si një mënyrë ekonomike për udhëtarët që qëndrojnë në banesën e dikujt tjetër. Ideja u përhap ndërsa gjithnjë e më shumë pritës filluan të ofronin ambiente nëpër botë dhe të ndërvepronin me klientët.

Dhomat e simbolizojnë këtë traditë: Ato janë të përsosura për klientët që preferojnë pak privatësi, por që duan të takojnë njerëz të rinj dhe ta përjetojnë zonën sikur të ishin vendas. Me një dhomë, klientët kanë dhomë gjumi më vete në banesë, plus qasje në ambiente që mund të ndahen me të tjerë.

Ja disa sugjerime për t'i ndihmuar klientët të prenotojnë dhe të qëndrojnë rehat me ty.

Mund t'i ndihmosh klientët ta njohin zonën tënde duke krijuar një udhëzues për listimin tënd. Kjo është një mënyrë e lehtë për t'i ndarë rekomandimet me klientët.

Shumë pritës ofrojnë gjithashtu rekomandime personalisht. Reed, i cili pret klientë në një dhomë në Filadelfia me gruan e tij, i fton shpesh klientët të bashkohen me ta për darkën e së dielës. Ai flet për "vende të bukura që nuk janë tradicionale", si kafeneja e lagjes me mure plot libra.

Ndonjëherë Reed i fton klientët të kërcejnë salsa, një nga argëtimet e tij të preferuara. "Kemi shkuar me disa klientë në një vend kërcimi latin për ta ndezur pak atmosferën", thotë ai. Disa klientë, shton ai, "tani janë si fëmijët tanë".

Klientët mund ta prenotojnë dhomën tënde sepse profili yt si pritës krijon një ndjenjë familjariteti, e cila mund t'i ndihmojë ata të ndihen rehat për të qëndruar në ambientin tënd.

Nicola, e cila pret klientë në një dhomë në Fitzroy, Australi, tregon se i vlerëson kulturat dhe kuzhinat e reja. Ajo ka zbuluar se disa klientëve u pëlqen "të rrinë dhe të ndihen sikur kanë një shtëpi këtu".

Ajo dhe vëllai i saj, një kuzhinier i njohur në Melburn, ndonjëherë ofrojnë të gatuajnë vakte me klientët. "Kemi një kuzhinë komerciale, në mënyrë që ata të mund të bëjnë makarona ose panine", thotë ajo.

Një grup u ndje aq lirshëm sa bënë joga në dhomën e saj të ndenjjes. "Ishte gjë shumë e mirë që ata e shijuan vërtet hapësirën", thotë ajo. Duke vënë në dukje interesin e tyre për t'u stërvitur, Nicola i çoi në një park aty pranë, ku ata kaluan një pasdite duke u ngjitur në pemë dhe duke folur për vende të tjera për të eksploruar.

Mendo se si dëshiron të ndërveprosh me klientët dhe tregoju atyre se çfarë preferon. Nëse je gati të bësh shoqëri, natyra jote e hapur mund të të çojë në marrëdhënie kuptimplota.

Garth, një pritës në Auckland, Zelandë e Re, thotë se mirëpritja e klientëve i mundëson atij të kalojë më shumë kohë me njerëz nga kultura të tjera pa udhëtuar. Ai mendoi, "Le t'i sjell njerëzit tek unë".

Një nga momentet më të paharrueshme të Garth si pritës ndodhi me klientët që po vizitonin nga Franca. Nëna e pyeti nëse djali i saj mund ta ndiqte teksa punonte me kallaj në punëtorinë e tij në garazh. "Ai mendonte se gjithçka që po bëja ishte fantastike", thotë Garth.

Kështu, Garth mendoi për një projekt që mund ta bënin së bashku. "Kemi bërë një varkë të vogël dhe e kemi pikturuar", thotë ai. "Ishte shumë bukur, sepse ai nuk fliste anglisht, por ne kishim këtë gjuhë të përbashkët".

Mund të marrësh më shumë histori dhe sugjerime për pritjen e klientëve duke u bashkuar me klubin e pritësve vendas. Këto klube drejtohen nga pritës dhe ofrojnë takime fizike dhe virtuale, asistencë të vazhdueshme dhe përditësime të lajmeve dhe produkteve të Airbnb.

Informacioni në këtë artikull mund të ketë ndryshuar që nga publikimi.