Si ta kuptosh cilësimin "Zgjedhjet e klientëve"

Airbnb ka më shumë se 8 milionë listime banesash në të gjithë botën. Secila është e veçantë dhe kjo veçanti e dallon Airbnb nga të tjerët.

Një nga mënyrat më të mira për të gjetur një vendqëndrim të shkëlqyer është të dish se cilat banesa u pëlqejnë më shumë klientëve. Kjo është arsyeja pse krijuam cilësimin "Zgjedhjet e klientëve".

Zgjedhjet e klientëve janë një koleksion i banesave më të dashura në Airbnb, sipas klientëve. Bazohen te vlerësimet, recensionet dhe të dhënat e besueshmërisë nga mbi gjysmë miliardë udhëtime. Zgjedhjet e klientëve përditësohen çdo ditë, kështu që nëse listimi yt nuk është përfshirë tani, mund të ndodhë së shpejti.

Një sërë faktorësh ndihmojnë në identifikimin e zgjedhjeve të klientëve, duke përfshirë:

• Të paktën 5 recensione nga klientët në 4 vitet e fundit, duke përfshirë të paktën 1 recension në 2 vitet e fundit
• Vlerësimet e përgjithshme me yje, përshtypjet në recensionet e klientëve dhe komunikimi midis klientëve dhe pritësve në platformë
• Vlerësimet e larta për regjistrimin, pastërtinë, saktësinë, komunikimin, vendndodhjen dhe raportin çmim/cilësi
• Historik i shkëlqyer i besueshmërisë, me një mesatare nën 1% të anulimeve të pritësve dhe të problemeve të asistencës së klientëve në lidhje me cilësinë

Nëse ke më shumë se një listim, secili do të trajtohet individualisht për të përcaktuar nëse kualifikohet për distinktivin "Zgjedhja e klientëve".

Zgjedhjet e klientëve janë të disponueshme në të gjithë botën dhe janë të lehta për t'u gjetur në Airbnb.

Banesat që janë "Zgjedhjet e klientëve" shfaqin një distinktiv në rezultatet e kërkimit dhe në faqen e listimit. Një filtër u mundëson udhëtarëve të kërkojnë për "Zgjedhjet e klientëve".

Superpritësit janë pritës me performancë të lartë, të njohur për historikun e tyre të mikpritjes së jashtëzakonshme. Performanca e superpritësve vlerësohet çdo tremujor në bazë të këtyre kritereve. Pritësit që plotësojnë kërkesat marrin një distinktiv superpritësi të shfaqur në listimin dhe profilin e tyre.

Nëse je një superpritës që ka një listim të përfshirë në "Zgjedhjet e klientëve", të dyja do të theksohen në faqen e listimit dhe listimi yt do të ketë një distinktiv "Zgjedhja e klientëve" në rezultatet e kërkimit. Nëse je një superpritës me një listim që nuk kualifikohesh ende për t'u cilësuar si "Zgjedhja e klientëve", do të të dallojnë me anë të distinktivit si superpritës.

Informacioni në këtë artikull mund të ketë ndryshuar që nga publikimi.