Provo mjetet tona të çmimeve

Mjetet e çmimeve të Airbnb ta lehtësojnë përshtatjen e çmimit. Do t'i gjesh në kalendarin tënd.

Mjetet e çmimeve dhe cilësimet e disponueshmërisë shpesh funksionojnë së bashku. Nëse do të përdorësh mjete të caktuara, si ofrimi i zbritjeve mujore, mund të të duhet të ndryshosh disponueshmërinë, si lejimin e qëndrimeve më të gjata.

Nëse e shqyrton dhe e modifikon çmimin rregullisht, mund të arrish objektivat e tua të fitimit.

Çmimin tënd bazë mund ta modifikosh në çdo kohë në kalendarin e listimit tënd. Kur të shtypësh numrin për ta ndryshuar, do të shohësh çmimin e vizitorit para taksave dhe atë që do të fitosh pas tarifës së shërbimit të pritësit.

Ke dy mënyra të tjera për të përshtatur çmimin bazë.

• Çmimi i personalizuar i fundjavës: Ke mundësinë të shtosh një çmim tjetër për netët e së premtes dhe të së shtunës. Ndryshimi i çmimeve në bazë të natës mund të ndihmojnë në maksimizimin e prenotimeve.
• Çmimet inteligjente: Këtë mjet e aktivizon në çdo kohë për të rregulluar automatikisht çmimin në bazë të kërkesës lokale. Ai përdor qindra faktorë që lidhen me listimin tënd, zonën tënde dhe sjelljen e vizitorëve. Mund të vendosësh edhe çmime minimale dhe maksimale për natë.

Zbritja e një përqindjeje nga çmimi bazë për lloje të caktuara prenotimesh është një mënyrë tjetër për të tërhequr vizitorë. Në kalendarin e listimit tënd janë të disponueshme katër zbritje.

• Javore: Zbritjet për qëndrime prej shtatë netësh e lart mund të përmirësojë renditjen në rezultatet e kërkimit, të plotësojë boshllëqet në kalendar dhe të reduktojë sistemimet e ambientit ndërmjet qëndrimeve. Vizitorëve do t'iu shfaqet një shënim i veçantë për zbritje javore 10% e lart. Çmimi i zbritur shfaqet së bashku me atë fillestar, i cili është i vijëzuar.
• Mujore: Mund të ofrosh edhe zbritje për qëndrime prej 28 netësh e lart. Kjo mund të zgjasë kohëzgjatjen mesatare të qëndrimeve në të gjitha listimet e tua dhe të reduktojë sistemimet e ambientit ndërmjet qëndrimeve. Vizitorëve iu shfaqet i njëjti shënim i veçantë për zbritje mujore 10% e lart.
• Për prenotimet e hershme: Zbritjet për prenotimet e bëra 1 deri në 24 muaj para regjistrimit mund të të ndihmojnë të tërheqësh vizitorë që planifikojnë përpara në kohë. Për zbritjet 3% e lart për prenotimet e hershme, vizitorëve do t'iu shfaqet një shënim i veçantë në rezultatet e kërkimit dhe në faqen e listimit tënd.
• Të minutës së fundit: Zbritjet për prenotimet e bëra 1 deri në 28 ditë para regjistrimit mund të ndihmojnë në mbushjen e kalendarit dhe rritjen e fitimeve. Për zbritje 10% e lart nga çmimi yt mesatar 60-ditor, vizitorëve do t'iu shfaqet një shënim i veçantë në rezultatet e kërkimit dhe në faqen e listimit tënd.

Vendosja e zbritjeve afatshkurtra mund të të ndihmojë të marrësh më shumë prenotime pa e ndryshuar çmimin tënd bazë. Nëse kualifikohesh, mund të të shfaqen deri në dy lloje promocionesh.

• Promocioni i listimit të ri: Ofro 20% zbritje për tre prenotimet e ardhshme që do të marrësh për një listim të ri, për të marrë vizitorët dhe recensionet e tua të para.
• Promocion i personalizuar: Zgjidh datat e tua dhe zbritjen që dëshiron të ofrosh. Aplikohen disa kritere, ndër të cilat, listimi yt duhet të ketë marrë të paktën tre prenotime, të paktën një të tillë gjatë vitit të kaluar, dhe datat që zgjedh duhet të kenë qenë të disponueshme për të paktën 28 ditë. Kur ofron një zbritje 15% e lart, vizitorëve iu shfaqet një shënim i veçantë në rezultatet e kërkimit dhe në faqen e listimit tënd.

Çmimit tënd mund t'i shtosh tre lloje tarifash. Mos harro se tarifat rrisin çmimin total dhe mund t'i dekurajojnë vizitorët të prenotojnë, gjë që mund të ulë fitimet e tua.

• Tarifa e pastrimit: Kjo është një tarifë e njëhershme që e rrit çmimin total të një qëndrimi dhe shfaqet si një tarifë e veçantë në momentin e pagesës. Ke mundësinë të vendosësh një tarifë më të ulët pastrimi për qëndrimet prej një deri në dy net.
• Tarifa për kafshët shtëpiake: Ke mundësinë ta aplikosh këtë tarifë për kafshë shtëpiake, për natë ose për qëndrim. Nuk mund t'ia tarifosh vizitorit tarifën për kafshët shtëpiake për një kafshë shërbimi, si dhe vizitorët nuk janë të detyruar të deklarojnë praninë e një kafshe shërbimi para prenotimit. Mëso më shumë rreth Rregullores së kushteve lehtësuese të Airbnb.
• Tarifa për vizitorët shtesë: Mund të aplikosh një tarifë për natë për çdo vizitor mbi një numër të caktuar. Për shembull, mund të lejosh qëndrimin e gjashtë vizitorëve me çmimin tënd për natë, por të aplikosh një tarifë shtesë 10 $ për natë për çdo vizitor shtesë deri në numrin maksimal të vizitorëve që ke caktuar.

Çmimet dhe cilësimet e tjera i kontrollon gjithmonë ti. Rezultatet e tua mund të ndryshojnë.

Informacioni në këtë artikull mund të ketë ndryshuar që nga publikimi.