Sugjerime nga pritësit e Airbnb Plus: Si të shtosh detaje që tregojnë kujdes

Secili prej pritësve të Airbnb Plus sjell histori, mjedise dhe lagje ekskluzive nga përvoja e pritjes së vizitorëve dhe hapësirat e tyre unike. Ja disa mënyra frymëzuese për të treguar përkujdesje të veçanta ndaj vizitorëve e tu:

Befasoji dhe kënaqi vizitorët me gjeste të vogla që ndikojnë shumë, fjala vjen, duke lënë jashtë një pije të ftohtë, lule të freskëta, ose duke iu ofruar t'u prenotosh një tavolinë aty ku vendasit preferojnë të darkojnë. Këto detaje të papritura i bëjnë vizitorët të ndihen të veçantë, ndërsa i lidhin ata me vende dhe njerëz në komunitetin tënd.

Lër një përshtypje të parë të shkëlqyer duke ofruar një përzgjedhje ushqimesh të lehta, pijesh dhe ëmbëlsira vendase. Konsidero të gostitësh me gjëra të tuat personale, si për shembull frutat e kopshtit tënd ose buka e bërë vetë, nëse je bukëpjekës.

Një shembull i shkëlqyer i një gjesti prekës: "Elena na la "olio nuovo" [vaj ulliri ekstra i virgjër i sapoprodhuar] nga ferma e familjes, së bashku me kafen," thotë Natasha, një vizitore që qëndroi me pritësen e Airbnb Plus, Elena, në fermën e saj të ullinjve në Firence, Itali. “Kishim gjithçka që na duhej për një natë nën yje!”

Mirëprit vizitorët me një shënim të personalizuar me emrin e tyre. Nëse e di arsyen e vizitës, merre në konsideratë që t'u urosh atyre t'ia kalojnë shkëlqyeshëm te pika e interesit ose aktiviteti që i solli në qytet. Madje mund të shtosh edhe një sugjerim personal, fjala vjen: mënyra më e mirë për të udhëtuar drejt vendit ku po shkojnë. Nëse je në dijeni se vizitorët do të jenë në muajin e mjaltit ose do të festojnë ditëlindjen, bëju një urim me shkrim dhe pse jo, një tufë lulesh për ditëlindje.

Dhe ndjehu i lirë të jesh krijues. “Ne vendosëm një dërrasë të madhe të zezë ku njerëzit të mund të lënë mesazhe dhe sugjerime për të tjerët. "Dhe shpesh ata krijojnë vizatime të bukura", thotë Elena.

Ka shumë mënyra për të tejkaluar pritshmëritë e vizitorëve dhe për të rritur standardin për qëndrime të paharrueshme, por disa nga sugjerimet e pritjes së vizitorëve të ndara këtu janë një mënyrë e shkëlqyer për të filluar.