Këta menaxherë pronash përdorën mjetet e Airbnb për të rritur kapacitetin e qëndrimeve

Një dekadë më parë, kur bashkëshortët Angie dhe Chris filluan të rinovonin dhe t'u jepnin udhëtarëve me qira lofte artistësh në Paris, hasën vështirësi të tërhiqnin vizitorë. Pavarësisht publikimit në tre platforma udhëtimi online dhe në faqen e tyre të internetit, kapaciteti i qëndrimeve rrallë herë arrinte në 50%.

Por fati i tyre ndryshoi pesë vite të shkuara, kur, në kërkim të një audience më të gjerë, filluan të publikonin shtatë Loftet e artizanëve në Paris në Airbnb. Shtrirja globale e platformës ndihmoi në tërheqjen e një numri të vazhdueshëm të rinjsh, vizitorë përdorues të teknologjisë dhe çifti vlerëson që kapaciteti i listimeve arrin në rreth 85% në sezonin e lartë dhe rreth 75% jashtë sezonit, në dimër.

"Airbnb ka hapur tregun e mikpritjes për klientë dhe udhëtarë të rinj", thotë Chris, një ish konsulent në PwC. "Kjo e bëri industrinë një model në aspektin e inovacionit, teknologjisë dhe përvojave të klientëve".

Për pritësit me përvojë, si Angie dhe Chris, platforma e Airbnb ofron jo vetëm shtrirje, por edhe një medium për të shfaqur bukur fotografitë e mini-lofteve të tyre elegante, të cilat janë furra buke të vjetra, atelie mode dhe studio artistësh të rikonceptuara për banim. Një galeri e shfaqur në mënyrë të dukshme u lejon atyre të nxjerrin në pah sensin e tyre estetik, si posterat grafikë në stilin art deko, karriget moderne të viteve '50 dhe shtrojat e krevatit me kuadrate ngjyrë të kuqe. Airbnb gjithashtu u ofron një platformë për ndarjen e sugjerimeve lokale me vizitorët përmes udhëzuesve të personalizuar në të cilin tregohet se ku bëjnë blerje, hanë darka dhe dalin për të pirë parizienët vendas.

"Ne presim vizitorë sepse na pëlqen të udhëtojmë", thotë Chris. "Na pëlqen të udhëtojmë si vendas, jo si turistë. Ndaj vendosëm të presim vizitorë dhe t'i ndihmojmë vizitorët tanë të jetojnë si vendasit kur udhëtojnë."

"Airbnb ka krijuar diçka që platformat e tjera nuk kanë mundur asnjëherë ta bëjnë, dhe kjo është kategoria për pritësit që ofrojnë cilësi të lartë", thotë ai. Është gjithashtu një mundësi për pronarin e shtëpisë që të përmirësojë veten dhe të përpiqet ta marrë atë shpërblim".

Para se t'i bashkoheshin Airbnb, Chris dhe Angie hasnin vështirësi në menaxhimin e kalendarëve të prenotimeve në platforma të ndryshme dhe të softuerit të tyre për rezervimet. "Ishte një makth", thotë Chris. Airbnb u ka mundësuar të sinkronizojnë të gjithë kalendarët e tyre në mënyrë që të njëjtat data të mos prenotohen nga vizitorë të ndryshëm. Ka edhe faqe ndihme në platformë që i ofrojnë çiftit informacione se si të optimalizojnë biznesin e tyre në Airbnb. Pasi lexuan një sugjerim që këshillonte uljen e kritereve për gjatësinë minimale të qëndrimit, Angie dhe Chris filluan të tërhiqnin shpejt më shumë klientë.

Çifti ka përfituar gjithashtu nga mjetet e automatizuara të çmimeve të platformës, të cilat tregojnë tarifat e optimalizuara deri në një vit para, në bazë të faktorëve të tillë si sezonaliteti, ditët e javës dhe eventet speciale. "Airbnb i ka dhënë kujtdo që drejton një biznes më të vogël mjetet e një hotelieri", thotë Chris.

Falë suksesit të tyre në Paris, ky çift tashmë po e shtrin aktivitetin e tij në Portugali. Mjetet e bashkëpritjes së vizitorëve në Airbnb do t'u mundësojnë atyre punësimin e dikujt që ndihmon me menaxhimin e pronave të tyre nga distanca. "Mendoj se figura e bashkëpritësit e ka ndryshuar mënyrën se si njerëzit i drejtojnë bizneset e tyre", thotë Chris. "Mendoj se Airbnb është gjithnjë e përkushtuar ndaj inovacionit dhe paraprirjes së risive".

Informacioni në këtë artikull mund të ketë ndryshuar që nga publikimi.