Si të vendosësh pritshmëri të qarta për çdo klient
Si pjesë e rregullave bazë për pritësit, faqja e listimit duhet ta përshkruajë me saktësi ambientin tënd, duke pasqyruar karakteristikat dhe kushtet e disponueshme nga regjistrimi deri te çregjistrimi. Klientët do të zhgënjehen nëse përvoja e tyre nuk përputhet me atë që ke përshkruar në ambientin tënd.
Vendos pritshmëri realiste
Mos e mbivlerëso ambientin tënd dhe mos lër pa përmendur informacione të rëndësishme. Është më mirë të jesh i sinqertë për të metat e mundshme të ambientit dhe lagjes tënde, si për shembull nëse perdet lejojnë të hyjë shumë dritë në mëngjes ose nëse ambienti yt është afër një zone ndërtimi.
Sigurohu që t'i vendosësh siç duhet pritshmëritë me këto sugjerime:
- Tregoju klientëve saktësisht se çfarë mund të presin në përshkrimin e listimit tënd dhe shto fotografi me diçitura. Tregojua klientëve nëse ka një qen në pronë apo nëse shkallët kërcasin.
- Vendos numrin e saktë të dhomave dhe banjave. Lloji i listimit duhet të pasqyrojë gjithashtu ambientin tënd aktual. Nëse është në një kompleks apartamentesh, mos e përshkruaj atë si një shtëpi rurale.
- Mos i ekzagjero kushtet e tua. Nëse je një orë larg një atraksioni popullor, mos thuaj se ndodhesh aty pranë, por specifiko se sa larg je. Nëse pishina apo vaska me hidromasazh kanë orare në varësi të sezonit apo kanë orare mbylljeje, përfshiji ato në listimin tënd.
Si t'i kënaqësh klientët e tu
Pritësit e suksesshëm premtojnë më pak dhe ofrojnë më shumë. Kjo do të thotë se nuk i zbukurojnë detajet e listimit të tyre por bëjnë shumë më tepër për të ofruar një mikpritje të shkëlqyer.
Provo këto sugjerime për t'i kënaqur klientët gjatë regjistrimit:
- Vendos fotografi realiste. Shmang kënde ultra të gjera dhe modifikime të tepërta, të cilat e bëjnë hapësirën të duket më e madhe ose më e ndritshme se sa është. Mund të punësosh një fotograf profesionist nga Airbnb në disa vende.
- Prano mirëmbajtjen rutinë. Kontrollo shpesh hapësirën tënde për të konfirmuar se gjithçka e publikuar është e disponueshme dhe funksionon. Nëse ke një vaskë me ujë të nxehtë, pishinë, pjatalarëse dhe gjëra të ngjashme, sigurohu që ato të jenë të pastra dhe të funksionojnë siç duhet para se të mbërrijnë klientët.
- Ofro diçka më shumë si shenjë vlerësimi për klientët e tu. Mund të jetë një shënim i thjeshtë mirëseardhjeje ose një kuti me biskota.