Si të caktosh çmimin për natë

Si pritës, je gjithmonë ti që e vendos çmimin për natë dhe mund ta ndryshosh atë në çdo kohë. Tashmë mund ta kesh menduar një çmim fillestar, e nëse jo, mos ngurro të mbash atë që të kemi sugjeruar.

Çmimi që të kemi sugjeruar bazohet në çmimin e prenotimit të ambienteve të ngjashëm me tëndin në zonën tënde. Nëse do të përshtatësh çmimin, ndiq këta hapa:

• Përdor butonat plus ose minus për të bërë rregullime
• Shtyp ose kliko mbi kuti dhe shkruaj një çmim të ri

Ki parasysh që vizitorët do të paguajnë tarifa dhe taksa përveç çmimit tënd për natë. Disa vizitorë mund të hezitojnë të rezervojnë ambiente që nuk ofrojnë raport të mirë çmim/cilësi ose që nuk kanë recensione sepse janë të reja.

Për të joshur vizitorët e parë, të këshillojmë të fillosh me një çmim më të ulët se çmimi i synuar. Gjithashtu, mund të ofrosh një zbritje prej 20% për tre vizitorët e tu të parë që t'i inkurajosh të prenotojnë.

Pasi të kesh marrë disa recensione të shkëlqyera, mund të mendosh ta rrisësh çmimin për natë. Vizitorët mund të jenë të gatshëm të paguajnë më shumë për një ambient që të tjerët e kanë vlerësuar si shumë të mirë.

Pasi të kesh publikuar listimin, do të të ofrojmë mjete për pritjen e vizitorëve, të cilat mund t'i përdorësh për të përsosur çmimet e tua me kalimin e kohës. Gjithashtu, do të kesh mundësi të vendosësh çmime të ndryshme për data të ndryshme, fundjava, evente të veçanta, qëndrime më të gjata e të tjera, për ta shfrytëzuar në maksimum kërkesën në zonën tënde.