Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

Sugjerime për parandalimin e festave në pronën tënde

Merr detaje rreth masave ndaluese në nivel global të festave dhe strategjive për shmangien e problemeve.
Nga Airbnb, më 1 korr 2020
Lexim 4-minutësh
Përditësuar më 25 korr 2022

Veçantitë

  • Rregullorja e festave dhe eventeve të Airbnb të mundëson të anulosh pa pasoja nëse jep prova se një vizitor ka ndërmend të bëjë një festë

  • Përcaktimi i pritshmërive dhe komunikimi i qartë mund të ndihmojnë në shmangien e problemeve

Një nga përparësitë e Airbnb është të ndihmojë pritësit dhe vizitorët të qëndrojnë të sigurt. Për të shkurajuar sjelljet e parregullta në pronat e publikuara në Airbnb, ndalojmë festat dhe eventet e ndryshme, duke përfshirë grumbullimet me ftesa të hapura.

Që prej zbatimit të tyre në gusht të vitit 2020, masat tona ndaluese në nivel global për festat dhe eventet ka çuar në një rënie prej 44% nga viti në vit në normën e raportimeve të festave. Kjo nismë është pritur mirë edhe nga pritësit, drejtuesit e komunitetit dhe zyrtarët e zgjedhur.

Pavarësisht nëse ke pritur vizitorë me qindra herë ose sapo ke filluar, duam që të ndihesh më i qetë për të mirëpritur vizitorë në hapësirën tënde. Ja gjashtë hapa që mund të ndërmarrësh për të dekurajuar festat dhe për të reduktuar disa rreziqe që lidhen me to.

1. Mëso se si funksionojnë masat ndaluese

Për të ndihmuar në ndalimin e problemeve para se të fillojnë, të inkurajojmë të lexosh Rregulloren e festave dhe eventeve. Disa pika kryesore:

  • Festat dhe eventet shqetësuese dhe grumbullimet me ftesa të hapura nuk lejohen.
  • Në disa shtete dhe rajone, kemi vendosur kufizime për disa prenotime lokale të listimeve të banesave të plota nga vizitorë nën 25 vjeç që kanë recensione negative ose më pak se tre recensione pozitive.
  • Në muajt e ardhshëm do ta heqim kufirin e qëndrimit prej 16 personash që zbatuam në vitin 2020, kryesisht në përgjigje të problemeve të shëndetit publik në lidhje me COVID-19.
  • Pritësit e ambienteve mikpritëse tradicionale, si hotelet boutique, mund të lejojnë evente të përshtatshme sipas gjykimit të tyre.
  • Pritësit mund të mos autorizojnë një grumbullim që shkel rregulloren.

Airbnb mund të marrë masa kundër vizitorëve dhe pritësve që shkelin rregulloret tona.

2. Vendos pritshmëri për vizitorët

Do të ishte mirë të përditësoje përshkrimin e listimit dhe rregullat e shtëpisë, për t'ua bërë të ditur vizitorëve se çfarë të presin para se të prenotojnë. Shpjego nëse lejon të qëndrojnë në ambient vizitorë të tjerë që nuk janë të përfshirë në rezervimin, veçanërisht nëse hapësira mund të strehojë shumë persona ose ka një pishinë apo hapësirë të madhe jashtë.

3. Njihu me vizitorët e tu

Komunikimi i qartë me vizitorët është një nga mënyrat për ta mbajtur veten, pronën dhe komunitetin tënd të sigurt. Pasi merr një kërkesë rezervimi ose një prenotim të konfirmuar, kontrollo informacionin e vizitorit dhe bëji disa pyetje të zakonshme në lidhje me vizitën e tij, si:

  • Cili është qëllimi i këtij udhëtimi?
  • Kush tjetër do të qëndrojë me ty?
  • A mund të konfirmosh se i ke lexuar rregullat e shtëpisë?

Kjo është gjithashtu një mundësi për t'u kujtuar vizitorëve gjithçka që nuk do të doje që ta harronin apo anashkalonin, si p.sh. orët e qetësisë. Mund të ndash me ta ligjet ose kufizimet lokale në lidhje me zhurmën, parkimin dhe shëndetin publik.

4. Bëhu një fqinj i mirë

Bëjua të ditur fqinjëve se po pret vizitorë. Konsidero t'u lësh të dhënat e tua të kontaktit një ose më shumë fqinjëve të besuar dhe t'u kërkosh të të kontaktojnë nëse ka probleme të papritura.

Nëse ka diçka që i shqetëson, mund t'i sigurosh se shumica dërrmuese e vizitorëve nuk shkaktojnë probleme. Në fakt, 99,92% e rezervimeve në të gjithë botën në Airbnb nuk kanë pasur raportime për probleme që lidheshin me sigurinë në vitin 2021.*

5. Bëhu i disponueshëm për vizitorët

Edhe nëse ofron hyrje me vetëshërbim, mund t'u tregosh vizitorëve se je i disponueshëm. Ja se çfarë mund të bësh para, gjatë dhe pas regjistrimit:

  • Thuaju vizitorëve se si të të kontaktojnë me telefon në rast emergjence. Do të jesh në gjendje të menaxhosh më mirë çdo incident dhe ata do ta vlerësojnë një përgjigje të shpejtë.
  • Ofrohu të kalosh vetë apo të dërgosh dikë, nëse vizitorëve u nevojitet ndonjë gjë. Nëse nuk jeton në afërsi, do të ishte praktike të caktoje një menaxher pronash ose bashkëpritës që mund të merret personalisht me gjërat kur është e nevojshme.

6. Merr masa nëse të shqetëson diçka

Nëse beson se një vizitor ka ndërmend të organizojë një festë, mund ta anulosh rezervimin pa pasoja, para regjistrimit. Do të të kërkojmë të paraqesësh prova që mbështesin vendimin tënd, siç janë mesazhet e vizitorit tënd dhe dokumentacione të tjera.

Për shembull, le të themi se një vizitor që jeton pranë ambientit tënd prenoton një qëndrim të minutës së fundit për një natë në fundjavë. Të dërgon mesazh dhe të pyet nëse ka vendparkime shtesë në rrugë për disa miq dhe ti lexon recensionin e një pritësi tjetër për vizitorin, ku përmendet një festë. Nëse e ndan me ne mesazhin dhe recensionin e vizitorit, mund ta anulosh rezervimin pa pasoja.

Mund ta anulosh online nëse ke aktivizuar funksionin "Prenoto në çast" dhe nuk e ke arritur kufirin prej tre anulimesh në vit. Nëse koha e regjistrimit të vizitorit është brenda 24 orësh, duhet të na kontaktosh ne për të anuluar rezervimin.

Për të mësuar më shumë rreth sigurisë dhe pritshmërive për pritjen e vizitorëve, lexo rregulloret e komunitetit.

*Bazuar në të dhënat e brendshme të Airbnb nga data 1 janar deri më 31 dhjetor 2021.

Informacioni në këtë artikull mund të ketë ndryshuar që nga publikimi.

Veçantitë

  • Rregullorja e festave dhe eventeve të Airbnb të mundëson të anulosh pa pasoja nëse jep prova se një vizitor ka ndërmend të bëjë një festë

  • Përcaktimi i pritshmërive dhe komunikimi i qartë mund të ndihmojnë në shmangien e problemeve

Airbnb
1 korr 2020
A ishte e dobishme kjo?