Si të sigurosh hyrje me vetëshërbim për mbërritjet pa probleme

Shtimi i hyrjes me vetëshërbim mund të të kursejë kohën ty dhe vizitorëve të tu dhe ta bëjë listimin më tërheqës. Vizitorët mund t'i filtrojnë rezultatet e kërkimit sipas alternativave të prenotimit, kështu që përfshirja e hyrjes me vetëshërbim e ndihmon listimin të spikatë.

Ndiq këto tre hapa për të filluar me përdorimin e hyrjes me vetëshërbim.

Tre alternativa të njohura për hyrjen me vetëshërbim janë tastierat numerike, bravat inteligjente dhe kutitë e çelësave me kod.

• Tastierat numerike funksionojnë me bravat elektronike të derës. Vizitorët përdorin një kod në vend të një çelësi për të hapur derën. Të mos kesh nevojë të ruash çelësin do të thotë se ai nuk humbet kurrë.
• Bravat inteligjente janë brava elektronike që mund t'i kontrollosh nga distanca, zakonisht përmes një lidhjeje Bluetooth ose wifi. Aty ku është i disponueshëm integrimi i bravës inteligjente, mund të lidhësh brava inteligjente të përshtatshme me llogarinë tënde të Airbnb dhe të gjenerosh automatikisht një kod unik që është aktiv vetëm gjatë qëndrimit të vizitorit.
• Kutitë e çelësave me kod ruajnë çelësat në mënyrë të sigurt jashtë një banese. Vizitorët vendosin kodin për të marrë çelësin. Zgjidh një vend për kutinë e çelësave me kod që gjendet dhe arrihet lehtë dhe ndrysho kodin ndërmjet prenotimeve. Disa pritës përdorin kutitë e çelësave me kod si një plan dytësor në rast problemesh me tastierat dhe bravat inteligjente.

Ndihmoji vizitorët të dijnë se si të hyjnë brenda para se të mbërrijnë.

• Shto detaje në udhëzimet e regjistrimit. Shpjego saktësisht se si përdorët tastiera numerike, brava inteligjente ose kutia e çelësave. Përfshi një fotografi të çdo hapi të procesit.
• Planifiko një mesazh mirëseardhjeje. Kurse kohë duke programuar një mesazh për vizitorët disa ditë para regjistrimit. Përfshi sugjerime të dobishme, si printimi ose fotografimi i udhëzimeve të regjistrimit në rast se shërbimi celular ka shkëputje.

Si pritës, je përgjegjës për krijimin e një procesi të sigurt regjistrimi për vizitorët. Sigurohu që çdo vizitor të ketë një kod unik hyrjeje. Disa pritës përdorin katër shifrat e fundit të numrit të telefonit të një vizitori për ta bërë më të lehtë për t'u mbajtur mend.

Pasi të kesh konfiguruar hyrjen me vetëshërbim dhe të kesh shtuar udhëzimet, shko te udhëzuesi i mbërritjes në skedën "Listimet" për të përditësuar mënyrën e regjistrimit.

Informacioni në këtë artikull mund të ketë ndryshuar që nga publikimi.