Si i mbron Airbnb pritësit

Kur përdor Airbnb për komunikime, prenotime dhe pagesa, mbrohesh nga rregulloret tona.

AirCover për pritësit ofron mbrojtje falas nga A-ja te Zh-ja sa herë që mirëpret klientë. Përfshin:

• Mbrojtjen e pritësit nga dëmtimet deri në 3 milionë dollarë, duke përfshirë mbulimin për sendet me vlerë, makinat e parkuara dhe varkat
• Sigurimin për përgjegjësinë e pritësit deri në 1 milion dollarë
• Verifikimi i identitetit të klientit
• Kontrolle të aktivitetit penal të klientëve që prenotojnë kur lejohet me ligj
• Shqyrtimi i rezervimeve për të zvogëluar mundësinë e festave të rrëmujshme dhe dëmtimeve të pronës

Airbnb kërkon që të gjithë klientët të ndjekin rregullat bazë para se të bëjnë një rezervim. Ata duhet:

• Ta trajtojnë banesën si të tyren. Klientët duhet ta lënë banesën në një gjendje që nuk kërkon pastrim të tepruar, si dhe të ndjekin udhëzimet për mbeturinat dhe dëmtimet.
• Të ndjekin rregullat e shtëpisë. Kjo përfshin respektimin e numrit të miratuar të klientëve, orarit të regjistrimit dhe çregjistrimit, si dhe orareve të qetësisë.

Nëse klientët nuk i ndjekin këto rregulla, mund të kontaktosh me Asistencën e Airbnb dhe ta pasqyrosh përvojën tënde në recensionin tënd. Klientët që shkelin në mënyrë të përsëritur rregullat e shtëpisë mund të pezullohen ose të hiqen nga Airbnb.

Rregullat e shtëpisë zbatohen sipas rregullave bazë të Airbnb dhe të ndihmojnë të përcaktosh pritshmëritë për klientët. Ti mund të zgjedhësh nga kjo listë e rregullave të shtëpisë në lidhje me:

• Kafshët shtëpiake
• Eventet
• Pirjen e duhanit, cigaret me avull dhe cigaret elektronike
• Orarin e qetësisë
• Oraret e regjistrimit dhe çregjistrimit
• Numrin maksimal të klientëve
• Fotografimin dhe filmimin komercial

Mund të shkruash kërkesa për çdo gjë specifike për hapësirën tënde, për sa kohë që ato janë të arsyeshme dhe në përputhje me rregulloret e Airbnb. Për shembull, mund t'u kërkosh klientëve ta fikin kondicionerin para se të largohen.

Klientëve u kërkohet të plotësojnë një profil me një fotografi dhe detaje personale për të të ndihmuar t'i njohësh.

• Recensionet e klientëve bazohen në përvoja reale. Pritësit dhe klientët mund ta recensojnë njëri-tjetrin vetëm pasi rezervimi të ketë përfunduar.
• Vendos se si dëshiron që klientët të prenotojnë. Me funksionin “Prenoto në çast”, mund t’i kufizosh rezervimet për klientët që kanë përfunduar të paktën një qëndrim pa incidente ose vlerësime të ulëta. Nëse preferon, mund të shqyrtosh çdo kërkesë për prenotim para se ta pranosh.
• Kontrollin e ke ti. Mund të anulosh një rezervim kur ke arsye të besueshme për të menduar se do të organizohet një festë, për sa kohë që ndjek Rregulloren e anulimit të pritësit. Nëse nuk ndihesh rehat me një kërkesë për rezervim, mund ta refuzosh atë për sa kohë që ndjek Rregulloren e mosdiskriminimit të Airbnb.

Airbnb është e disponueshme për të të asistuar 24 orë në ditë, 7 ditë në javë, në më shumë se 60 gjuhë përmes:

• Asistencë me telefon dhe me mesazh. Për probleme urgjente, na telefono. Për çështje jo urgjente, si përditësimi i kalendarit ose rregullimi i çmimeve, na dërgo një mesazh.
• Linjë sigurie 24-orëshe. Nëse ndodh të ndiesh pasiguri, aplikacioni i Airbnb ofron qasje me një shtypje tek agjentët e trajnuar posaçërisht.
• Asistenca e dedikuar për superpritësit. Superpritësit lidhen automatikisht me një anëtar ekspert të ekipit, sa herë që kontaktojnë Airbnb.

Mbrojtja e pritësit nga dëmtimet, në kuadër të Aircover për pritësit, Sigurimi për përgjegjësinë e pritësit, si dhe Sigurimi për përgjegjësinë gjatë përvojave dhe shërbimeve nuk i mbulojnë pritësit që ofrojnë qëndrime ose përvoja në Japoni, ku zbatohen Sigurimi i pritësit në Japoni dhe Sigurimi për mbrojtjen gjatë përvojave në Japoni, ose për pritësit që ofrojnë qëndrime përmes Airbnb Travel LLC. Të gjitha shumat limit të mbulimit jepen në dollarë amerikanë.

Sigurimi për përgjegjësinë e pritësit dhe Sigurimi për përgjegjësinë gjatë përvojave dhe shërbimeve ofrohen nga sigurues të palëve të treta.

Nëse ofron banesa, përvoja ose shërbime në Mbretërinë e Bashkuar, Rregulloret e Sigurimit për përgjegjësinë e pritësit dhe për përgjegjësinë gjatë përvojave dhe shërbimeve nënshkruhen nga Zurich Insurance Company Ltd. dhe dakordësohen e lidhen pa asnjë kosto shtesë për pritësit në Mbretërinë e Bashkuar nga Airbnb UK Services Limited, një përfaqësues i Aon UK Limited, si dhe autorizohen dhe rregullohen nga Autoriteti i Kontrollit Financiar (Financial Conduct Authority). Numri i regjistrit të FCA-së për Aon është 310451. Këtë numër mund ta kontrollosh duke vizituar Regjistrin e Shërbimeve Financiare ose duke kontaktuar FCA-në numrin 0800-111-6768. Rregullorja e përgjegjësisë së pritësit dhe ajo e përgjegjësisë gjatë përvojave dhe shërbimeve në kuadër të AirCover për pritësit rregullohen nga Autoriteti i Kontrollit Financiar (Financial Conduct Authority). Produktet dhe shërbimet e mbetura nuk janë produkte të rregulluara nga Airbnb UK Services Limited, FPAFF609LC

Nëse pret klientë në banesa, përvoja ose shërbime në Zonën Ekonomike Evropiane (ZEE), policat e Sigurimit për përgjegjësinë e pritësit dhe për përgjegjësinë gjatë përvojave dhe shërbimeve nënshkruhen nga Zurich Insurance Europe AG, dega në Spanjë dhe dakordësohen e lidhen pa asnjë kosto shtesë për pritësit në ZEE nga Airbnb Spain Insurance Agency S.L.U. (ASIASL), një agjenci sigurimesh jo e lidhur e mbikëqyrur nga Drejtoria e Përgjithshme e Sigurimeve dhe Fondeve të Pensioneve (DGSFP) dhe e regjistruar në Spanjë me numrin AJ0364 në Regjistrin e Shpërndarësve të Sigurimeve të DGSFP-së. Mund ta verifikosh këtë regjistrim duke vizituar Regjistrin e shpërndarësve të sigurimeve të DGSFP-së, si dhe mund të hysh në detajet e plota të ASIASL këtu.

Mbrojtja e pritësit nga dëmtimet nuk është një sigurim dhe nuk ka lidhje me Sigurimin për përgjegjësinë e pritësit. Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Për pritësit me banim ose seli jashtë Japonisë, zbatohen këto Kushte të mbrojtjes së pritësit nga dëmtimet.

Informacioni në këtë artikull mund të ketë ndryshuar që nga publikimi.