Si të vendosësh çmimin fillestar

Vendosja e një çmimi konkurrues mund të të ndihmojë që përvoja të spikatë dhe t'i inkurajojë klientët të prenotojnë. Je gjithmonë ti përgjegjës për çmimin tënd dhe mund ta ndryshosh atë në çdo kohë.

Së pari, zgjidh një çmim bazë për ditët e javës. Ky është çmimi standard për të gjitha netët në kalendarin tënd. Ke mundësinë të shtosh një vlerë ekstra për fundjavat, të cilat janë të premtet dhe të shtunat.

Sugjerimet e çmimeve të paraqitura përdorin faktorë të tillë si vendndodhja, shërbimet, prenotimet e tua të kaluara dhe çmimet më të fundit në zonën tënde. Nëse dëshiron të vendosësh një çmim të ndryshëm nga ai që sugjerohet, përpiqu të balancosh kostot e tua me atë që janë të gatshëm të paguajnë klientët. Ja disa gjëra që duhet të kesh parasysh.

• Shpenzimet e tua të pritjes së klientëve: Këto mund të përfshijnë kredinë, shërbimet komunale, mirëmbajtjen dhe taksat.
• Vlera që ofron: Konsidero se çfarë shfaq në listimin tënd, si shërbimet më të kërkuara, kushtet lehtësuese dhe afërsia me atraksionet lokale.
• Çmimi total që paguajnë klientët: Ki parasysh se çdo tarifë që planifikon të shtosh, si tarifa për kafshët shtëpiake, ndikon në çmimin total.

Duke filluar me një çmim më të ulët, mund të tërheqësh klientët e parë dhe të marrësh recensione.

Promocionet dhe zbritjet mund të ndihmojnë në përmirësimin e renditjes në rezultatet e kërkimit të listimit tënd dhe në tërheqjen e klientëve.

• Promocioni i listimit të ri: Ofro 20% zbritje për 3 prenotimet e para për të marrë klientët dhe recensionet e tua të para.
• Zbritje e minutës së fundit: Ul çmimin për prenotimet e bëra diku nga 1 deri në 28 ditë para regjistrimit për të ndihmuar në plotësimin e boshllëqeve në kalendarin tënd.
• Zbritjet javore dhe mujore: Zbritjet për qëndrime më të gjata mund të ndihmojnë në mbushjen më të shpejtë të kalendarit dhe në reduktimin e sistemimeve ndërmjet qëndrimeve.

Çmimi i zbritur shfaqet së bashku me atë fillestar, i cili është i vijëzuar.

Pasi ta kesh publikuar listimin, do të kesh qasje në më shumë mjete çmimesh. Përdorimi i mjeteve të Airbnb për të përshtatur rregullisht çmimin tënd mund të të ndihmojë të arrish objektivat e tua të fitimit.

Informacioni në këtë artikull mund të ketë ndryshuar që nga publikimi.