Rezervimet, të rikonceptuara

Kemi thjeshtuar mënyrën se si menaxhon kërkesat e prenotimit dhe detajet e rezervimit. Ja çfarë do të gjesh në skedën “Sot”.

T'u përgjigjesh kërkesave për prenotim është më e thjeshtë se kurrë.

• Shqyrtimi i kërkesave: Detaje të tilla si fitimet e tua të mundshme dhe vlerësimi i klientit të ndihmojnë të shqyrtosh çdo kërkesë me shpejtësi.
• Pranimi i kërkesave: Butonat e pranimit dhe refuzimit si dhe një kohëmatës me numërim mbrapsht 24-orësh të ndihmojnë të ruash një nivel të lartë gatishmërie.

Një dizajn më intuitiv të ndihmon t'i përfundosh më shpejt detyrat e tua më të zakonshme.

• Mesazhet: Përdor butonin e mesazhit ose të telefonatës për të kontaktuar me klientët pa qenë nevoja të kërkosh bashkëbisedimin e duhur në skedën “Mesazhet”.
• Oraret e regjistrimit dhe çregjistrimit: Modifiko oraret e regjistrimit dhe çregjistrimit të një klienti, në mënyrë që çdo ndryshim që pranon të shfaqet në rezervim.
• Shënime: Shto detaje të tjera të rëndësishme për një prenotim duke lënë shënime private për veten tënde dhe bashkëpritësit.
• Rikujtesat dhe lajmërimet: Menaxho ndryshimet dhe kërkesat drejtpërdrejt nga rezervimi. Gjithashtu, do të marrësh lajmërime për detyrat që duhet të kryesh, si për shembull nëse brava jote inteligjente është shkëputur.
• Rregullorja e anulimit: Shiko datat dhe oraret e fundit kur klientët e ardhshëm mund të anulojnë dhe të marrin rimbursim të plotë ose të pjesshëm.
• Zbërthimi i fitimeve: Merr një pamje të detajuar të rezervimit, duke përfshirë atë që paguajnë klientët, tarifat e shërbimit, taksat dhe shlyerjen e pagesës tënde.

Zbulo rezervimet e rikonceptuara që sot.

Informacioni në këtë artikull mund të ketë ndryshuar që nga publikimi.