Si të japësh disa detaje më shumë

Mund të pyesësh veten pse të kërkohet të japësh disa detaje personale ndërsa krijon listimin tënd. Kjo bëhet për të përmbushur një kërkesë ligjore të quajtur "Njihe klientin tënd" (KYC).

KYC është një kërkesë rregullatore për të mbrojtur komunitetin e Airbnb nga mashtrimet dhe për të parandaluar pastrimin e parave dhe financimin e terrorizmit. Kompanitë që licencohen për të përpunuar pagesa, si filialet e pagesave të Airbnb, duhet të kenë procese KYC. Me fjalë të tjera, na kërkohet të dimë se kush ka qasje në çdo llogari të Airbnb dhe kush po paguhet.

Duhet të japësh këto 4 informacione para se të mund të publikosh listimin.

• Emri ligjor: E ke dhënë këtë kur ke krijuar llogarinë tënde në Airbnb.
• Data e lindjes: E ke dhënë këtë kur ke krijuar llogarinë tënde në Airbnb.
• Adresa e banimit: Jep adresën tënde aktuale. Nëse është e ndryshme nga adresa jote e listimit, klientët nuk do ta shohin atë. Klientëve u shfaqet adresa e listimit vetëm pas konfirmimit të rezervimit.
• Po pret klientë si biznes? Zakonisht kjo do të thotë se biznesi yt është i regjistruar pranë organeve shtetërore ose qeveritare. Nëse je pritës në BE, pritja e klientëve si biznes do të thotë se është burimi yt kryesor i të ardhurave ose punon për një kompani, si një hotel boutique ose kompani menaxhimi pronash.

Të dhënat e tua do të trajtohen në përputhje me Politikat e privatësisë.

Ky informacion KYC është i detyrueshëm që të mund të marrësh pagesa. Nuk do të mund të publikosh një listim në Airbnb derisa të dërgosh këto detaje.

Mund të të kërkojmë informacione shtesë në varësi të vendit ku ndodhesh, si p.sh.: dëshmi e emrit tënd ligjor dhe datës së lindjes në një dokument identifikimi zyrtar.

Nëse pret klientë si biznes, do të të kërkojmë të dhënat e biznesit pasi të publikosh listimin. Këtu mund të përfshihen NIPT-i i biznesit, detajet e regjistrimit dhe informacionet rreth pronarëve.

Informacioni në këtë artikull mund të ketë ndryshuar që nga publikimi.