Përgjigju më shpejt në skedën “Mesazhet”

T'u përgjigjesh shpejt klientëve mund të të sjellë më shumë prenotime, recensione më të mira dhe renditje më të lartë në rezultatet e kërkimit. Përmirësimet më të fundit të mesazheve e bëjnë më të lehtë që të përgjigjesh më shpejt.

Klientët marrin përgjigje të mundësuara nga inteligjenca artificiale (IA) për pyetje të zakonshme me detaje të nxjerra nga faqja e listimit tënd. Kjo përfshin informacionin për kushtet e listimit, përshkrimin e tij si dhe manualin e shtëpisë.

Çdo përgjigje automatike identifikon Airbnb si dërgues dhe mund ta shohësh si ti, ashtu edhe klientët e tu. Në çdo kohë mund ta fshish përgjigjen dhe të dërgosh një përgjigje tjetër.

Për shembull, nëse një klient pyet për parkimin, përgjigjja automatike mund të jetë: “Kjo banesë ofron parkim falas në rrugë dhe parkim falas në pronë. Kontrollo këto detaje te Kushtet”.

Skeda "Mesazhet" përdor Iinteligjencë artificiale (IA) për të sugjeruar veprime bazuar në mesazhet e klientëve. Çdo sugjerim përfshin një kartë interaktive që të lejon të kryesh detyra të rëndësishme, si ndryshimi i rezervimeve dhe dërgimi i ofertave speciale, pa dalë nga biseda.

Për shembull, nëse një klient pyet nëse mund të regjistrohet një ditë më herët, në bisedën me të do të të shfaqet një sugjerim për të ndryshuar rezervimin. Shtyp kartën për të ndryshuar datat dhe për t'i dërguar klientit një kërkesë për të shqyrtuar itinerarin e ri.

Mesazhet urgjente shfaqen në krye të kutisë sate të mesazheve. Etiketat e reja theksojnë gjërat që kërkojnë vëmendje të menjëhershme, siç janë pyetjet e klientëve për prenotime dhe kërkesat për ndihmë gjatë regjistrimit.

Po kërkon një bisedë të caktuar? Mund të kërkosh mesazhe sipas emrave, fjalëve ose frazave. Rezultatet marrin parasysh çdo filtër që ke përdorur, duke të ndihmuar t'i gjesh bisedat më shpejt.

Përmirësimet e mesazheve do të prezantohen gjatë muajve të ardhshëm.

Informacioni në këtë artikull mund të ketë ndryshuar që nga publikimi.