Bëj Airbnb më shumë se veç një listim

Në vitin 2007 patëm një ide: Po sikur të konceptonim një mënyrë që njerëzit të prenotonin një banesë me po aq lehtësi sa një hotel? Që atëherë, Airbnb ka tejkaluar 2 miliardë akomodime të klientëve dhe ka ndryshuar mënyrën se si udhëtojnë njerëzit. Por një udhëtim i bukur është shumë më tepër se thjesht banesa ku do të qëndrosh. Për këtë arsye prezantojmë:

• Shërbimet e Airbnb - Shërbime të jashtëzakonshme për ta bërë qëndrimin e klientëve më të veçantë.
• Përvojat në Airbnb - Eksploro një qytet me vendasit që e njohin atë në majë të gishtave.
• Aplikacion krejt i ri i Airbnb - Një aplikacion i rikonceptuar që ua bën më të lehtë pritësve të menaxhojnë banesën, shërbimin ose përvojën e tyre dhe ku klientët mund të prenotojnë, gjithçka në një vend të vetëm.

"Shtatëmbëdhjetë vjet më parë, kemi ndryshuar mënyrën se si udhëtojnë njerëzit. Pas 2 miliardë klientësh, Airbnb është sinonim i një vendqëndrimi", tha Brian Chesky, bashkëthemelues dhe CEO i Airbnb. "Me fillimin e shërbimeve dhe përvojave, po i ndryshojmë përsëri udhëtimet. Tani mund të bësh Airbnb më shumë se veç një listim."

Njerëzit shpesh zgjedhin hotelet për shkak të shërbimeve që ata ofrojnë, si shërbimi në dhomë, vajtja në një palestër ose një takim në SPA. Duke filluar nga sot, klientët mund t'i marrin shërbimet direkt në listimin e tyre të Airbnb.

Prezantojmë Shërbimet në Airbnb: shërbime të jashtëzakonshme për ta bërë një qëndrim më të veçantë. Po prezantojmë 10 kategori në qytete të zgjedhura, me oferta dhe vendndodhje të reja që shfaqen rregullisht në aplikacionin e Airbnb. Dhjetë kategoritë e para janë:

• Shefa kuzhine: Ushqime plotësisht të personalizueshme në banesë nga shefa profesionistë kuzhine.
• Shërbime fotografike: Sesione fotografike të personalizuara nga fotografë me përvojë.
• Masazh: Masazhe rigjeneruese duke përfshirë atë suedez, atë në thellësi dhe refleksologjinë nga terapistë me përvojë.
• Trajtime SPA: Trajtime fytyre, mikrodermabrasion, skrab trupi, dhe trajtime të tjera, të ofruara nga estetistë profesionistë.
• Stërvitje individuale: Joga, stërvitje force, HIIT e të tjera, nën drejtimin e trajnerëve personalë, duke përfshirë profesionistë të njohur të fitnesit dhe atletë kampionë botërorë.
• Stilim flokësh: Prerje profesionale, krehje flokësh e të tjera nga stilistë me përvojë.
• Makijazh: Makijazh për çdo ditë ose për raste të veçantë nga artistë profesionistë të makijazhit.
• Kujdesi për thonjtë: Manikyr dhe pedikyr nga specialistë me përvojë në kujdesin e thonjve.
• Vakte të gatshme: Vakte të gatshme të gatuara nga kuzhinierë profesionistë.
• Katering: Shërbim i plotë me menu, dekor dhe pajisje të personalizuara, plus përgatitjen dhe pastrimin e ambientit.

Shërbimet e Airbnb verifikohen për cilësinë, duke marrë parasysh kriteret si njohuritë, arsimi, reputacioni e të tjera. Pritësit e shërbimeve kanë vite përvojë dhe kanë përfunduar procesin e verifikimit të identitetit në Airbnb. Shumë prej tyre janë të njohur në fushat përkatëse, duke përfshirë shefat e kuzhinës së restoranteve me yje Michelin, fotografë të vlerësuar me çmime dhe trajnerë elitarë.

Shërbimet e Airbnb janë të disponueshme për pothuajse çdo çmim dhe shumë shërbime përfshijnë një ofertë bazë nën 50 dollarë. Me shërbime për çdo lloj udhëtimi, mund të gjesh gjithçka, nga një vakt i gatshëm i përballueshëm deri te stërvitjet e përditshme me një trajner të famshëm.

Shërbimet mund të bëhen në një banesë, në biznesin e pritësit ofrues të shërbimit ose në një hapësirë publike. Nëse pret klientë në një banesë, shërbimet lejohen automatikisht. Kjo është një mënyrë për t'iu treguar klientëve se je përkushtuar që ta bësh qëndrimin e tyre edhe më të veçantë.

Mund të vendosësh të mos i lejosh shërbimet në banesën tënde. Kontakto Asistencën e Airbnb për të specifikuar çdo shërbim që nuk lejon dhe ata do të përditësojnë rregullat e tua të shtëpisë.

Duke filluar nga sot, profesionistët me përvojë mund të bëhen pritës shërbimesh. Është një mënyrë e re për të ndarë ekspertizën tënde dhe për të rritur biznesin tënd.

Një nga arsyet kryesore që njerëzit prenotojnë banesa në Airbnb është sepse munden të jetojnë si vendas. Por është e vështirë të gjesh aktivitetet më të mira kur je në një vend të ri. Shumë shpesh ti përfundon në një grup të madh, duke ndjekur një udhërrëfyes turistik me një megafon, duke bërë aktivitete që të duken sikur po kalon radhën. Po sikur të kishte një mënyrë më origjinale për të shijuar një qytet?

Sot, po prezantojmë Përvoja në Airbnb tërësisht të rikonceptuara, të organizuara nga vendas që e njohin qytetin në majë të gishtave. Po prenzatojmë përvoja në qytete anembanë botës dhe po shtojmë më shumë çdo ditë. Klientët mund të zbulojnë pjesët më të mira të një qyteti me përvoja si:

• Atraksione turistike, muze dhe përvoja kulturore. Hyr në botën e restaurimit të Notre-Dame përmes syve të një arkitekti nga ekipi i tij i restaurimit.
• Shëtitje me tematikë ushqimore, kurse gatimi dhe përvoja ngrënieje: Mëso artin e përgatitjes së ramenit me një kuzhinier nga një restorant i vlerësuar me çmime "Michelin Bib Gourmand".
• Eksperienca në natyrë, sporte ujore dhe me kafshë të egra: Udhëto me kalë nëpër vendet e shenjta të Inkasve dhe peizazhet mahnitëse të Andeve me një vendas, ekspert në kulturën dhe antropologjinë e Andeve.
• Shëtitje në galeri, punëtori artistike dhe përvoja blerjesh: Rifresko gardërobën me një sesion personal stilimi nga një konsulent mode në Hollivud.
• Përvojat e stërvitjes, mirëqenies dhe përvoja bukurie: Hyr në ring për një përvojë autentike trajnimi "lucha libre" me një mundës profesionist meksikan.

Përvojat në Airbnb verifikohen për cilësinë, me fokus në njohuritë, reputacionin dhe vërtetësinë dhe ky proces është i vazhdueshëm. Ne i shqyrtojmë rregullisht përvojat për t'u siguruar që ato i përmbushin standardet tona.

Tashmë aplikimet për Përvojat në Airbnb janë të hapura. Nëse e njeh thellësisht qytetin tënd dhe ofron një aktivitet unik që nuk është i disponueshëm askund tjetër, dërgo idenë tënde për organizimin e një përvoje.

E kemi rindërtuar aplikacionin për pritësit për të përfshirë gjithçka që të duhet për të menaxhuar banesën, shërbimin ose përvojën:

• Airbnb Start: Një mjet i thjeshtuar për krijimin e listimit e bën më të lehtë dërgimin e një shërbimi ose përvoje në Airbnb.
• Skeda "Sot" Një skedë krejt e re e menaxhimit të rezervimeve që përfshin banesa, shërbime dhe përvoja, e të ndihmon të ofrosh një mikpritje të shkëlqyer.
• Kalendari - Një kalendar i ridizajnuar për banesat, shërbimet dhe përvojat përfshin një pamje të re ditore të organizuar orë pas ore dhe integrim në kohë reale me Google Calendar.
• Skeda "Listimet": Mjetet e reja të menaxhimit të listimit për shërbimet dhe përvojat e lehtësojnë përshtatjen e çdo aspekti të listimit tënd, nga vendndodhja deri te çmimet.

Nëse pret klientë në një banesë, përfito qasje të hershme tani që të fillosh të përdorësh mjetet e tua të reja për pritjen e klientëve.

Shërbimet nuk janë të disponueshme në të gjitha rajonet, përfshirë Brazilin dhe Porto Rikon.

Informacioni në këtë artikull mund të ketë ndryshuar që nga publikimi.