Çmimi i duhur për çdo sezon

Përmirësimi i çmimeve dhe i disponueshmërisë mund të të ndihmojë të tërheqësh prenotime dhe të fitosh më shumë. Këto cilësime të reja të lejojnë të ndryshosh çmimet sipas sezonit, të plotësosh boshllëqet e minutës së fundit në kalendarin tënd dhe të marrësh parasysh kërkesat për prenotime përtej intervalit të disponueshmërisë.

Nëse i rregullon çmimet për sezonet e larta dhe të ulëta, mund të qëndrosh konkurrues. Do të analizojmë kërkesën në zonën tënde dhe do të sugjerojmë çmime sezonale që mund të ndihmojnë në rritjen e prenotimeve dhe fitimeve të tua. Ja se çfarë do të prezantohet duke filluar nga muaji korrik.

• Çmimet gjatë vitit: Ndrysho çmimin tënd bazë sipas muajit për t'iu përgjigjur ndryshimeve sezonale të kërkesës.
• Përshtatja për fundjavat: Ndrysho çmimet e fundjavës me një përqindje të caktuar, si p.sh.:+15%, për t'i përditësuar lehtësisht në të gjitha sezonet.

Çmimet tona të sugjeruara bazohen në kërkesën për listime të ngjashme në zonën tënde dhe në faktorë të tillë si vendndodhja e listimit tënd dhe shërbimet. Mund t'i krahasosh gjithmonë çmimet e listimeve të ngjashme në afërsi në një hartë dhe t'i modifikosh çmimet tona të sugjeruara para se të bësh ndonjë përditësim.

Mund të rregullosh disponueshmërinë dhe çmimet e minutës së fundit për të qëndruar konkurrues ndërsa afrohen netët e paprenotuara. Do të sugjerojmë mënyra për të ndihmuar që listimi yt të shfaqet në më shumë rezultate kërkimi dhe për të rritur numrin e prenotimeve. Ja se çfarë do të prezantohet duke filluar nga muaji gusht.

• Numri minimal i netëve për prenotimet e minutës së fundit: Lejo qëndrime më të shkurtra për netët e paprenotuara brenda 2 javësh deri në datën e regjistrimit.
• Zbritjet e minutës së fundit: Rrit gradualisht zbritjet e minutës së fundit për klientët që prenotojnë 8-14, 2-7 dhe 0-1 ditë para mbërritjes.

Mund të aplikosh minimumin e netëve dhe zbritjet që sugjerojmë ose të zgjedhësh ato që dëshiron ti.

Nëse përdor funksionin “Prenoto në çast”, tani mund të shqyrtosh kërkesat për rezervim përtej intervalit të disponueshmërisë. Kjo mund të të ndihmojë të fitosh më shumë duke pranuar manualisht prenotime shumë kohë më përpara.

• Disponueshmëri e zgjatur: Klientët mund të gjejnë listime në rezultatet e kërkimit për data përtej intervalit të disponueshmërisë dhe të dërgojnë kërkesa për prenotim që ti t'i shqyrtosh brenda 24 orësh.
• Cilësimet e prenotimit: Mbaji të njëjta cilësimet e funksionit "Prenoto në çast", në mënyrë që klientët të mund ta rezervojnë ende ambientin tënd menjëherë në datat brenda periudhës së disponueshmërisë.

Mund të tërhiqesh nga disponueshmëria e zgjeruar në çdo kohë duke përditësuar cilësimet e disponueshmërisë.

Çmimet në USD. Përvoja e përdoruesit mund të ndryshojë në bazë të vendndodhjes.

Çmimet dhe cilësimet e tjera i kontrollon gjithmonë ti. Rezultatet e tua mund të ndryshojnë.

Informacioni në këtë artikull mund të ketë ndryshuar që nga publikimi.