Kontrollo kur dhe si i pret klientët

Mund të presësh klientë me kohë të plotë, sipas sezonit ose thjesht kur udhëton. Aplikacioni i Airbnb e bën të lehtë menaxhimin e programit tënd për pritjen e klientëve. Me mjetet e integruara, mund të kontrollosh disponueshmërinë, preferencat e prenotimit dhe rregullat e shtëpisë.

Përdor kalendarin tënd për të konfiguruar dhe për të përshtatur disponueshmërinë tënde.

• Shto datat e tua. Hap kalendarin për 3, 6, 9, 12 ose 24 muajt e ardhshëm ose specifiko se në cilat data dëshiron të presësh klientë. Eventet e mëdha dhe festat do t’i gjesh drejtpërdrejt në kalendarin tënd.
• Përcakto kohën e përgatitjes. Zgjidh se sa kohë njoftim paraprak të duhet para se të mbërrijnë klientët. Lejo prenotimet për të njëjtën ditë ose kërko njoftim paraprak 1, 2, 3 ose 7 ditë përpara nëse preferon më shumë kohë.
• Cakto kohëzgjatjet e udhëtimit. Specifiko numrin minimal ose maksimal të netëve që mund të qëndrojnë klientët. Për shembull, mund të kërkosh një minimum prej 2 netësh.

Kalendarin tënd mund ta personalizosh me disa cilësime të thjeshta.

• Shto një numër maksimal klientësh. Përcakto se sa klientë mund të qëndrojnë rehat në banesën tënde.
• Zgjidh mënyrën e prenotimit për klientët. Funksioni "Prenoto në çast" u mundëson klientëve që i plotësojnë kërkesat e tua dhe pajtohen me rregullat e shtëpisë, që t'i prenotojnë menjëherë datat e disponueshme. Nëse preferon t'i shqyrtosh kërkesat individualisht, mund ta çaktivizosh funksionin "Prenoto në çast".
• Zgjidh oraret e regjistrimit dhe çregjistrimit. Ti vendos se sa herët mund të mbërrijnë klientët dhe sa vonë mund të largohen.

Të gjithë klientët që prenotojnë duhet të kenë verifikuar identitetin e tyre për të përdorur Airbnb. Profilin e çdo klienti mund ta shfaqësh para se ai të mbërrijë.

Rregullat e shtëpisë i bëjnë të qartë klientëve se çfarë pritet nga ata para se të regjistrohen.

• Zgjidh rregullat e shtëpisë. Zgjidh midis rregullave që kanë të bëjnë me pirjen e duhanit, kafshët shtëpiake, eventet, oraret e qetësisë, numrin maksimal të klientëve, oraret e regjistrimit dhe çregjistrimit, si dhe fotografitë ose filmimet komerciale.
• Shto rregulla shtesë. Mund të shkruash kërkesa për çdo gjë specifike për hapësirën tënde, për sa kohë që ato janë të arsyeshme dhe në përputhje me rregulloret e Airbnb.

Nëse një klient shkel rregullat e tua, kontakto me Asistencën e Airbnb. Me rregulla të qarta të shtëpisë dhe cilësimet e duhura, mund të presësh klientë me vetëbesim.

Informacioni në këtë artikull mund të ketë ndryshuar që nga publikimi.