Si të shkruash një titull bindës

Titulli është një mundësi për të tërhequr vëmendjen ndaj asaj që është vërtet fantastike në hapësirën tënde. Pjesa argëtuese është të kuptosh se si ta bësh këtë me pak fjalë.

Për shkak se 75% e kërkimeve në Airbnb bëhen nga pajisjet celulare, titujt janë të kufizuar në 32 karaktere gjithsej, duke përfshirë hapësirat. Në këtë mënyrë, ato nuk ndërpriten në smartfonët dhe tabletat me ekrane më të vogla.

Ja si të shkruash një titull bindës:

• Shto detaje pa përsëritur informacionin. Nuk është e nevojshme t'u përsëritësh vizitorëve atë që është shfaqur tashmë në rezultatet e kërkimit, si qyteti ose qyteza apo numri total i krevateve. Thekso më mirë gjërat rreth hapësirës sate që mund të tërheqin vëmendjen e vizitorëve, si shërbimi më i mirë ose afërsia me një pikë interesi.
• Mos përdor emoji dhe simbole. Përdor fjalë të thjeshta dhe përshkruese (si komode, joshëse, rustike ose me e madhe). Përdorimi i karaktereve të veçanta është i pranueshëm, por mos i përsërit për të theksuar mendimin (si !!! ose ***).
• Përdor stilin e drejtshkrimit të fjalisë, që shpesh është më i lehti për t'u lexuar. Stili i drejtshkrimit të fjalisë nënkupton shkrimin me të madhe vetëm të shkronjës së parë të fjalës së parë në titull. Mos përdor shkronja të mëdha te fjalët e tjera, përveç rasteve kur bëhet fjalë për emra të përveçëm, si Yellowstone.

Nëse e ke të vështirë ta formulosh shkurt, provoje këtë ushtrim:

• Mendo se çfarë e bën hapësirën tënde tërheqëse dhe unike.
• Shkruaj disa fjalë për ta përshkruar atë sa më konkretisht të mundesh.
• Mos u përpiq t'i thuash të gjitha. Mjafton t'i ftosh vizitorët të mësojnë më shumë.

Ja tre shembuj titujsh efektivë për frymëzim:

• Vendpushim buzë detit me kajakë
• Dhomë vizitorësh në një shtëpi romantike të stilit viktorian
• Studio ekologjike pranë LAX

Ke ende dyshime? Mund ta ndryshosh titullin në çdo kohë. Në fakt, shumë pritës i përditësojnë titujt e tyre kur shtojnë shërbime ose mësojnë se çfarë pëlqejnë më shumë vizitorët e tyre të parë.