Sa vizitorë mund të qëndrojnë në ambientin tënd

Një nga gjërat e para që duan të dinë vizitorët e mundshëm është madhësia e ambientit. Duke specifikuar numrin e vizitorëve që mund të akomodosh dhe numrin e krevateve, dhomave të gjumit dhe banjave të disponueshme, mund t'i ndihmosh njerëzit të vendosin nëse ambienti yt do të jetë i përshtatshëm për ta.

Pasi të kesh publikuar listimin, do të mund të shtosh edhe më shumë detaje, si p.sh. llojet e krevateve dhe shërbimet që ka çdo dhomë gjumi, si kremastarët dhe jastëkët shtesë. Për momentin, mund të përqendrohesh në numrin e vizitorëve që do të doje të mirëprisje në hapësirën tënde.

Nëse nuk e di me siguri, provo këto këshilla:

• Vendos numrin e krevateve që ke. Konsidero se sa persona mund të flenë rehat në secilin prej tyre.
• Vendos numrin e banjave që ke. Konsidero se sa njerëz mund t'i ndajnë rehat këto hapësira.
• Vendos një maksimum vizitorësh që mendon se është e arsyeshme. Edhe pse në ambientin tënd mund të flejë një numër i caktuar personash, nuk do të thotë se duhet të akomodosh aq shumë vizitorë.
• Mundohu të mos i lash të painformuar vizitorët. Nëse në numrin e krevateve ke përfshirë edhe kolltukë, divanë me hapje, dyshekë me ajër ose organizime të tjera të zakonshme të fjetjes, sigurohu që ta specifikosh këtë në hapat e ardhshëm, si për shembull, kur të shtosh përshkrimin e listimit ose në diçiturat e fotografive. Edhe specifikimi nëse ke një krevat fëmijësh ose krevate marinarë mund të jetë i dobishëm.
• Mos bëj supozime. Për shembull, dy persona që udhëtojnë së bashku mund të mos planifikojnë të ndajnë të njëjtin shtrat.

Kur të jesh gati, përdor butonat plus dhe minus për të caktuar numrin maksimal të vizitorëve dhe për të specifikuar numrin e krevateve, dhomave të gjumit dhe banjave të disponueshme. Tek numri i banjave merren parasysh edhe gjysmë-banjat (të cilat kanë WC dhe lavaman, por jo dush apo vaskë).

Ki parasysh që mund të bësh ndryshime në informacionet e tua, duke përfshirë numrin e krevateve dhe vizitorëve të lejuar, në çdo kohë nëse situata ose nevojat e tua ndryshojnë.