Ofro një raport të mirë çmim/cilësi

Klientët kërkojnë përvoja që ofrojnë cilësi të jashtëzakonshme për çmimin që paguajnë. Mendo se si ta bësh përvojën tënde edhe më të veçantë dhe që ia vlen për çmimin që paguajnë klientët.

Uniciteti, ekspertiza, lidhja, vendndodhja dhe besueshmëria, të gjitha kanë një ndikim në raportin e përgjithshëm çmim/cilësi. Pritësit më të vlerësuar thonë se u japin përparësi këtyre sugjerimeve për të ofruar një raport të mirë çmim/cilësi.

• Personalizo aktivitetet e tua. Mëso rreth hobeve, gjuhëve e të tjera të secilit grup në skedën "Sot" dhe në bashkëbisedimin në grup. Konsidero të përshtatësh aktivitetet sipas interesave të tyre.
• Përmirëso atë që mundesh. Sigurimi i materialeve me cilësi më të lartë dhe anekdotave të hulumtuara mirë mund të ndihmojë shumë. Kjo është e vërtetë edhe për përmirësimet e vogla, si përdorimi i përbërësve organikë.
• Kontakto në vazhdim me klientët. Dërgo një mesazh për t'i falënderuar klientët, si dhe për të ndarë fotografi dhe rekomandime. Këto detaje shtesë mund t'i ndihmojnë klientët të ndihen të përkujdesur dhe të lidhur.

"Dërgoj një hartë të personalizuar rekomandimesh pas përvojës", thotë Justin, i cili organizon shëtitje më këmbë në Sidnei dhe Brisbane, Australi. "Nuk shoh shumë udhëzues tradicionalë turistikë ta bëjnë këtë gjë. Është gjëja që klientët vlerësojnë shumë".

Edhe përvojat më të mira mund të marrin vlerësime të ulëta nëse klientëve nuk u duket i mirë raporti cilësi/çmim. Ja disa gjëra që duhet të kesh parasysh kur shqyrton çmimin tënd.

• Krahaso përvojat e ngjashme: Kërko aktivitete si të tuat në Airbnb dhe platforma të tjera për të krahasuar çmimet lokale dhe për të kuptuar se cili mund të konsiderohet konkurrues.
• Përgjigjju ndryshimeve të kërkesës. Eksperimento me çmimet në kohë, ditë, stinë ose evente të ndryshme të veçanta. Për shembull, fundjava mund të jetë më e kërkuar se ditët e javës.
• Ofro zbritje. Zbritje për prenotime me kohë të kufizuar, prenotime të hershme dhe për grupe të mëdha ndihmojnë në tërheqjen e klientëve dhe mbushjen e vendeve për përvojën tënde. Kur shton më shumë se një, klienti përfiton cilëndo zbritje që rezulton me kursimin më të madh për të.

"Duhet t'iu japësh gjithmonë njerëzve më shumë sesa presin për çmimin që paguajn[", thotë Evren, i cili organizon një shëtitje më këmbë në Soho, Londër. "Për mua, kjo nuk do të thotë të shtosh më shumë vende për të vizituar. Unë përqendrohem në ofrimin e një kombinimi të shkëlqyeshëm faktesh dhe anekdotash zbavitëse për të ofruar raportin më mirë çmim/cilësi".

Të gjithë pritësit, fotografitë dhe detajet e listimit duhet të përmbushin standardet dhe kriteret për Përvojat në Airbnb.

Informacioni në këtë artikull mund të ketë ndryshuar që nga publikimi.