Si të përcaktosh llojin e ambientit në të cilin pret vizitorë

Mikpritja e shkëlqyer fillon me përcaktimin e pritshmërive të qarta për pronën tënde. Mund t'i ndihmosh vizitorët ta gjejnë listimin tënd duke identifikuar llojin e ambientit që ofron.

Në këtë hap, do të zgjedhësh llojin e pronës, si për shembull një shtëpi ose apartament, që i përshtatet më shumë hapësirës tënde në përgjithësi. Do të të kërkojmë të jesh më specifik në hapin tjetër.

Ja se si e përcakton Airbnb çdo lloj prone të përgjithshme:

• Apartament: Zakonisht ndodhet në një ndërtesë me shumë njësi ku jetojnë njerëz të tjerë, duke përfshirë apartamente kondominiale dhe lofte
• Shtëpi: Struktura të pavarura që mund të kenë hapësira të jashtme ose mure të përbashkëta, si shtëpitë e qytetit dhe duplekset
• Njësi dytësore: Zakonisht ndodhet në një pronë të përbashkët me hyrje më vete, duke përfshirë shtëpitë e miqve dhe dhomat e miqve
• Hapësirë unike: Strukturë interesante ose jokonvencionale, si shtëpi mbi pemë, yurt ose qëndrim në agroturizëm
• Strukturë me fjetje dhe mëngjes: Biznes mikpritjeje me një pritës të pranishëm, që ofron mëngjes për vizitorët
• Boutique hotel: Biznes hoteleri-turizmi me stil unik apo temë që përcjell identitetin e tij

Nëse ambienti yt përshtatet me më shumë se një lloj prone, zgjidh atë që mendon se është më e sakta.

Për shembull, le të themi se po publikon një studio të vogël komode në oborrin tënd. Mund të zgjedhësh njësinë dytësore (shtëpi miqsh) ose hapësirën unike (shtëpizë), në bazë të llojit të hapësirës që mendon se i afrohet më shumë.

Nuk ka përgjigje të gabuar këtu, për sa kohë që u jep vizitorëve një kuptim të vërtetë të asaj që duhet të presin nëse prenotojnë ambientin tënd. Do të të kërkojmë të shtosh detaje të tjera në hapin tjetër dhe mund t'i përditësosh zgjedhjet pasi ta kesh publikuar listimin.