Si të krijosh një itinerar që spikat

Klientët duan të dinë se çfarë do të bëjnë gjatë një përvoje para se ta prenotojnë. Itinerari yt është një axhendë e shkurtër që i ndihmon klientët të vendosin nëse përvoja është e përshtatshme për ta.

Itinerari ideal i shoqëron klientët gjatë përvojës nga fillimi në fund me një listë aktivitetesh specifike. Aktiviteti i parë duhet të përfshijë prezantimet dhe t'i bëjë klientët të ndihen të mirëpritur. I fundit duhet të jetë një mbyllje fantastike. Sigurohu që itinerari të jetë sa më i qartë dhe i përmbledhur.

Duhet të shtosh të paktën një aktivitet, dhe të sugjerojmë të fillosh me 3.

Çdo aktivitet përbëhet nga elementët e mëposhtëm.

• Titulli: Shpjego aktivitetin me 2 deri në 4 fjalë. Gjithmonë fillo me një folje.
• Përshkrimi: Zgjeroje titullin në një fjali. Tregoju klientëve se çfarë mund të presin të bëjnë në këtë moment të përvojës.
• Fotografia: Zgjidh një imazh të thjeshtë dhe me cilësi të lartë që përputhet me përshkrimin tënd. Fokusohu te një detaj ose person, me një sfond të thjeshtë.
• Kohëzgjatja: Zgjidh sa minuta planifikon të shpenzosh duke e bërë këtë aktivitet.

Nëse klientët do të marrin me vete një suvenir, dhuratë ose një kujtim tjetër, përshkruaje atë si pjesë të aktivitetit tënd të fundit. Mund t'i modifikosh ose t'i riorganizosh aktivitetet sipas nevojës.

Të gjithë pritësit, fotografitë dhe detajet e listimit duhet të përmbushin standardet dhe kriteret për Përvojat në Airbnb.

Informacioni në këtë artikull mund të ketë ndryshuar që nga publikimi.