Si ta shtosh vendndodhjen tënde

Para se të bëjnë një rezervim, klientët mund të kontrollojnë se sa afër është banesa jote me vendet që planifikojnë të vizitojnë.

Si pritës, duhet të zgjedhësh nëse dëshiron të vendosësh një vendndodhje të përgjithshme apo specifike për hartën që shfaqet në rezultatet e kërkimit. Sido që të jetë, klientëve nuk iu shfaqet adresa jote, derisa rezervimi i tyre të konfirmohet.

1. Shkruaj adresën. Fillo të shkruash dhe kur të shfaqet adresa e saktë, zgjidhe.

2. Konfirmo adresën. Bëj çdo rregullim të nevojshëm për saktësi, si p.sh. shtimi i numrit të apartamentit ose të suitës.

3. Sigurohu që shënjuesi të jetë në vendin e duhur. Nëse shënjuesi nuk vendoset aty ku duhet, tërhiqe hartën derisa shënjuesi të tregojë vendndodhjen e duhur.

4. Zgjidh një hartë. Listimi yt do të ketë një hartë të vendndodhjes së përgjithshme të ambientit tënd, nëse nuk zgjedh të shfaqësh vendndodhjen specifike.

• Harta e vendndodhjes së përgjithshme shfaq rrezen përreth ambientit tënd, brenda rreth 800 metrash (më pak se 1 kilometër) nga adresa.
• Harta e vendndodhjes specifike shfaq një shënjues që tregon drejtimin e kryqëzimeve më të afërta pa shënuar vendin e saktë.

Kontrollo edhe një herë informacionin dhe korrigjo çdo gabim para se të kalosh në hapin tjetër. Pasi të jetë konfirmuar prenotimi yt i parë, nuk do të mund të bësh ndryshime pa kontaktuar Asistencën e Airbnb.