Si ta shtosh vendndodhjen tënde

Vendndodhja e ambientit tënd mund të luajë një rol të madh në vendimin e vizitorëve për të qëndruar atje. Para se të bëjnë një rezervim, ata mund të kontrollojnë se sa afër është në raport me vendet që planifikojnë të vizitojnë gjatë udhëtimit të tyre.

Si pritës, duhet të zgjedhësh nëse dëshiron të vendosësh një vendndodhje të përgjithshme apo specifike për hartën që shfaqet në rezultatet e kërkimit. Sido që të jetë, vizitorëve nuk u shfaqet adresa jote, derisa rezervimi i tyre të konfirmohet.

1. Shkruaj adresën. Fillo të shkruash dhe kur të shfaqet adresa e saktë, zgjidhe.

2. Konfirmo adresën. Bëj çdo rregullim të nevojshëm për saktësi, si p.sh. shtimi i numrit të apartamentit ose të suitës.

3. Sigurohu që shënjuesi të jetë në vendin e duhur. Nëse shënjuesi nuk vendoset aty ku duhet, tërhiqe hartën derisa shënjuesi të tregojë vendndodhjen e duhur.

4. Zgjidh një hartë. Listimi yt do të përfshijë një hartë të vendndodhjes së përgjithshme të ambientit tënd, nëse nuk zgjedh të shfaqësh vendndodhjen specifike, përmes butonit përzgjedhës.

• Vendndodhja e përgjithshme: Harta e listimit tregon zonën përreth tij, brenda një rrezeje prej rreth 800 metrash (më pak se 1 km) nga adresa.
• Vendndodhja specifike: Në hartën e listimit shfaqet një shënjues në kryqëzimin më të afërt, por që nuk tregon vendin e saktë.