Merr recensionin e parë me 5 yje

Në listimin tënd postohen vlerësime dhe recensione që i ndihmojnë klientët të vendosin nëse shërbimi yt është i përshtatshëm për ta. Përshtypjet pozitive të klientëve të ndihmojnë të krijosh markën tënde në Airbnb dhe mund të sjellin më shumë prenotime dhe fitime më të larta.

Klientëve iu kërkohet të shkruajnë një recension sapo të përfundojë shërbimi. Përshtypjet e tyre të ndihmojnë të ofrosh shërbim me cilësinë më të lartë. Atyre u kërkohet të japin:

• Një vlerësim të përgjithshëm. Klientët e vlerësojnë shërbimin tënd në një shkallë nga 1 deri në 5 yje. Vlerësimi mesatar i përgjithshëm shfaqet në listim, në rezultatet e kërkimit dhe në profilin tënd.
• Vlerësime të hollësishme. Klientët japin përshtypje më specifike duke vlerësuar mikpritjen, besueshmërinë dhe raportin çmim/cilësi. Nëse ofron një shërbim në biznesin tënd ose në hapësirë publike, si stilimi i flokëve në sallonin tënd ose një seancë joga në plazh, atyre do t'u kërkohet gjithashtu të vlerësojnë vendndodhjen.
• Një recension publik. Ai shfaqet në profilin tënd dhe në seksionin e recensioneve në listimin tënd. Nëse i përgjigjesh recensionit publik, përgjigjja jote do të shfaqet poshtë tij.
• Një shënim privat. Kjo përshtypje nuk shfaqet në listim, është vetëm për ty.

Pasi të kesh marrë 3 recensionet e para, do të marrësh informacione për përshtypjet e klientëve. Përdor menunë për të hyrë në seksionin e informacioneve të dobishme në aplikacionin e Airbnb.

Mjetet e pritjes së klientëve në Airbnb mund të të ndihmojnë të tejkalosh pritshmëritë e klientëve.

Ofro një shërbim të shkëlqyer. Mendo se si t'i personalizosh ofertat e tua për t'i ndihmuar klientët të ndihen të përkujdesur dhe të mirëpritur.

• Komuniko me klientët në skedën "Mesazhet" për të pyetur rreth preferencave tyre, për t'iu përgjigjur pyetjeve dhe për të krijuar oferta të personalizuara.
• Përdor përgjigjet e shpejta për të personalizuar lehtësisht dhe për të dërguar një mesazh mirëseardhjeje pas prenotimit, si dhe një shënim pasues pas shërbimit.
• Përfshi detaje shtesë që e bëjnë ofertën tënde të duket edhe më e veçantë.

Sigurohu që gjithçka të shkojë pa probleme. Përcill besueshmëri duke u përgatitur, duke vendosur pritshmëri të qarta dhe duke iu përgjigjur mesazheve të klientëve menjëherë para dhe pas çdo shërbimi.

• Përgatit çdo furnizim paraprakisht dhe, nëse do të udhëtosh për te klienti, mendo rrugën që të mundëson të arrish sa më shpejt. Përdor kalendarin në Airbnb për të planifikuar kohën midis prenotimeve për udhëtimin dhe përgatitjen.
• Programo mesazhet që do të dërgohen në kohë të caktuara, si dita para shërbimit, në mënyrë që klienti të dijë se çfarë të presë.
• Aktivizo njoftimet në aplikacionin e Airbnb dhe në cilësimet e pajisjes për të marrë gjithnjë mesazhet.
• Nëse po ofron një shërbim në banesën e dikujt tjetër, lëre ambientin siç e ke gjetur.

Ofro një raport të lartë çmim/cilës. Një çmim konkurrues është një faktor i rëndësishëm kur bëhet fjalë për raportin çmim/cilësi. Mund të caktosh çmimet ose të shtosh zbritje në skedën "Listimet".

• Shto të paktën 3 oferta me çmime të ndryshme për t'u dhënë klientëve më shumë alternativa dhe për të arritur objektivat e tua të fitimit. Praktika më e mirë është vendosja e ofertave me çmime fillestare, standarde dhe premium.
• Konsidero të fillosh me një çmim pak më të ulët dhe rivlerësoje pasi të kesh krijuar reputacionin tënd në Airbnb me vlerësime dhe recensione shumë të mira.
• Shto zbritje për prenotime me kohë të kufizuar, prenotime të hershme dhe për grupe të mëdha që të tërheqësh klientë.
• Shfleto Airbnb dhe platforma të tjera për shërbime si të tuat për të krahasuar çmimet lokale në mënyrë që të jesh konkurrues.

Përveç këtyre sugjerimeve për mikpritjen, ki parasysh Rregullat bazë të pritësit dhe Rregulloret e sigurisë së pritjes së klientëve të Airbnb. Ato përshkruajnë pritshmëritë bazë për ofrimin e shërbimeve të sigurta dhe me cilësi të lartë.

Të gjithë pritësit, fotografitë dhe detajet e listimit duhet të përmbushin standardet dhe kriteret për Shërbimet në Airbnb.

Informacioni në këtë artikull mund të ketë ndryshuar që nga publikimi.