Si të zgjedhësh kë të mirëpresësh për rezervimin tënd të parë

Të mirëpresësh një të huaj në banesën tënde për herë të parë mund të duket paksa e çuditshme. Që të kesh qetësinë e duhur mendore, kemi zhvilluar teknologji që ndihmojnë në zvogëlimin e rreziqeve për ty dhe pronën tënde.

Si pritës i ri, duhet të zgjedhësh edhe llojin e klientit që mund të jetë i pari që qëndron në ambientin tënd. Në këtë hap, zgjidh nëse do të doje të mirëprisje:

• çdo klient në Airbnb
• një klient me përvojë

"Çdo klient në Airbnb" do të thotë kushdo që është pjesëtar i komunitetit tonë, duke përfshirë të sapoardhurit. Nëse zgjedh këtë alternativë, mund të marrësh rezervimin tënd të parë më shpejt, pasi kjo ua hap dyert më shumë klientëve të mundshëm që kërkojnë vendqëndrime.

Një klient me përvojë është dikush me një historik pozitiv prej të paktën tre qëndrimesh në Airbnb pa recensione të këqija. Të gjithë klientëve me përvojë u është verifikuar identiteti dhe kanë një mënyrë pagimi në profilin e tyre. Falë historikut të tyre, ata mund të të ndihmojnë që pritja e klientëve për herë të parë të jetë më pak e frikshme dhe të të japin sugjerime të dobishme për qëndrimin e tyre në ambientin tënd.

Të dyja alternativat janë zgjedhje të shkëlqyera. Thjesht zgjidh atë që të duket më e mirë.