Të shtosh dhe të modifikosh shërbimet sot është më e lehtë se kurrë

Detajet e vogla të listimit, nga lloji i kafesë që u shërben vizitorëve deri te peizazhi që i përshëndet çdo mëngjes, mund të kenë ndikim të madh në një udhëtim. Duam ta bëjmë më të lehtë për ty që t'u tregosh vizitorëve të mundshëm më shumë rreth shërbimeve specifike që ofron hapësira jote, duke të ndihmuar të përcaktosh pritshmëritë dhe të ofrosh një qëndrim me pesë yje. Për këtë arsye kemi shtuar më shumë se 40 alternativa të reja shërbimesh, si dhe mënyra të reja për të përshkruar në mënyrë më specifike dhe për të modifikuar detajet e listimit.

Detajet për të cilat ndihesh më krenar mund të jenë pamja e pyllit jashtë dritares së dhomës së ndenjjes ose panorama e oqeanit nga dhoma me vetrata, ndaj kemi shtuar "pamje panoramike" në alternativat e shërbimeve. Tani mund ta bësh banesën tënde të spikatë, qoftë nëse ka pamje nga mali, nga liqeni apo edhe pamje të pjesshme nga liqeni. Vizitorët do të mund të gjejnë listime që kanë pamjen e tyre të preferuar panoramike dhe ti do të mund të vendosësh pritshmëri realiste për këtë.

Mund të shtosh një pamje panoramike në seksionin ‘Detajet e listimit’ tek "Menaxho hapësirën". Mjafton të zgjedhësh listimin tënd për ta modifikuar.

Pavarësisht nëse hapësira jote ka një kuzhinë të jashtme, një oborr apo një blender për smuthit e mëngjesit, vizitorët duan t'i dinë këto gjëra. Ja disa nga alternativat e reja të shërbimeve nga të cilat mund të zgjedhësh:

• Hyrje në plazh
• Hyrje në resort
• Pajisje ushtrimesh fizike
• Hamak
• Materiale leximi

Kur vizitorët e dinë se çfarë të presin gjatë qëndrimit të tyre, mund të planifikojnë paraprakisht. Dhe vendosja e pritshmërive është thelbësore: Kemi mësuar nga superpritësit se prona nuk është e thënë të jetë e përkryer, por është shumë e rëndësishme t'u thuash vizitorëve saktësisht se çfarë do të gjejnë kur të mbërrijnë.

Shërbimet më të kërkuara i kemi grupuar për t'ju ndihmuar t'i gjeni dhe t'i zgjidhni ato menjëherë. Për shembull, tani mund të specifikosh se ambienti yt ka wifi, televizor, hapësirë pune të dedikuar, lavatriçe, ajër të kondicionuar e të tjera. Të gjitha në një seksion të vetëm.

Kemi vazhduar t'i grupojmë shërbimet sipas ambienteve në mënyrë që të mund t'i zgjedhësh të gjitha shërbimet e kuzhinës njëherësh, por kemi shtuar edhe seksionin e shërbimeve më të kërkuara, për t'i informuar vizitorët akoma më kollaj që ofron kushtet që kërkohen më shpesh.

Më parë në Airbnb mund të përdorje funksionin e shërbimeve për t'ua bërë të ditur vizitorëve se ofron një hapësirë pune të dedikuar apo një hapësirë të jashtme si oborri. Por tani mund t'u ofrosh edhe më shumë detaje vizitorëve të mundshëm. Për shembull, mund të ndihmosh punonjësit në distancë të gjejnë ambientin e tyre ideal duke specifikuar se ka tavolinë pune, monitor, karrige zyre ose një tavolinë të zakonshme dhe mund t'ua bësh të ditur vizitorëve nëse oborri është privat apo i përbashkët.

Disa shërbime të tjera mund t'i përshkruash në mënyrë edhe më specifike, duke përfshirë:

• Shërbime transmetimi dhe pajisje, duke përfshirë Apple TV, Netflix, Disney+ e të tjera
• Aparat kafeje, me filtër, Keurig ose një makinë kafeje ekspres
• Barbekju që punojnë me qymyr druri apo me dru
• Oxhak i brendshëm elektrik apo me dru, për shembull
• Sisteme ngrohjeje dhe ftohje

Nëse shërbimet ndryshojnë në listimin tënd, tani është më e lehtë që t'i përditësosh ato shpejt, ndërkohë që vazhdon të fokusohesh në atë që bën më mirë, ofrimin e një mikpritjeje të shkëlqyer për vizitorët e tu.