Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

Sugjerime për pritjen e vizitorëve me nevoja për kushte lehtësuese

Mirëprit më shumë vizitorë duke theksuar kushtet lehtësuese të pronës sate.
Nga Airbnb, më 7 pri 2021
Video 9-minutëshe
Përditësuar më 2 dhj 2022

Shumë vizitorë të Airbnb kanë nevojë për kushte specifike lehtësuese. Njerëzit me lëvizshmëri të kufizuar ndonjëherë përdorin struktura ndihmëse për ecjen ose karrige me rrota dhe duan të dinë se sa i përshtatshëm është ambienti yt për akomodimin e tyre para se të prenotojnë udhëtimin.

Meqenëse vizitorët shpesh i filtrojnë kërkimet sipas kushteve lehtësuese, nxjerrja në pah e asaj që ofron hapësira jote mund të ndihmojë që listimi të shfaqet në më shumë rezultate kërkimesh dhe të rrisë shanset për të marrë prenotime.

Airbnb tani ka kategorinë "Të përshtatura", e cila nxjerr në pah hapësirat e konfirmuara si të përshtatshme për përdoruesit e karrigeve me rrota, me rrugina pa shkallë për hyrjet dhe me të paktën një dhomë gjumi dhe një banjë. Sigurohu që të shtosh çdo kusht lehtësues që ke në listim dhe nëse ambienti kualifikohet, ai mund të përzgjidhet në këtë kategori të re.

Sophie Morgan, një prezantuese televizive dhe mbështetëse e të drejtave të personave me aftësi të kufizuara e shfaqur në videon e mësipërme, u bë pritëse në Airbnb sepse donte të hapte për miqtë udhëtarë banesën e saj të projektuar posaçërisht për ta. "Kam punuar shumë për ta bërë banesën time të përshtatshme për mua," thotë ajo. "E di që do të ishte gjithashtu fantastike për shumë njerëz të tjerë, veçanërisht për ata me aftësi të kufizuara, kështu që vërtet dua ta ndaj atë."

Sophie pranon se mund të jetë e vështirë për personat me nevoja për kushte lehtësuese të udhëtojnë, por përpiqet të mos lejojë që kjo ta ndalojë atë të zbulojë botën. "Jam përdoruese e karriges me rrota prej 19 vitesh tashmë," thotë ajo. "Bota nuk është projektuar për personat me aftësi të kufizuara, por gjithsesi ia vlen 100% të udhëtosh."

Ja disa udhëzime për krijimin e një hapësire ftuese që vizitorët me nevoja për kushte lehtësuese mund ta prenotojnë me besim.

Shto kushte lehtësuese në listim

Veçoritë që mund ta ndihmojnë ambientin tënd të spikatë te vizitorët përfshijnë:

  • Vend parkimi për invalidët
  • Ndriçim në rruginën drejt hyrjes
  • Rruginë pa shkallë drejt hyrjes së vizitorëve
  • Hyrje pa shkallë e vizitorëve
  • Hyrje pa shkallë në dhoma
  • Hyrje më të gjera se 32 inç/81,28 centimetra
  • Dush pa shkallë
  • Doreza mbajtëse për tualetin dhe/ose dushin
  • Karrige dushi ose banje
  • Pajisje ngritëse tavani ose portative
  • Pajisje ngritëse për pishinë

Mëso më shumë rreth shtimit të kushteve lehtësuese në listim

Përdor fotografi për të theksuar kushtet lehtësuese të hapësirës tënde

Në videon e mësipërme, Sophie sugjeron të shtosh "sa më shumë fotografi që të mundesh" për t'i ndihmuar vizitorët e mundshëm me nevoja për kushte lehtësuese të kuptojnë nëse banesa jote është e përshtatshme.

Për t'u siguruar që listimet të jenë gati për vizitorët me nevoja të veçanta, u rekomandojmë pritësve të shtojnë diçitura në fotografitë e tyre. Për shembull, mund t'i shtosh diçiturën fotografisë së një banje me doreza mbajtëse fikse dhe t'ua bësh të ditur vizitorëve se është e vetmja banjë me kushte lehtësuese në shtëpi.

Fotografimi nga disa kënde mund t'i ndihmojë vizitorët të kuptojnë nëse ambienti yt do t'i përmbushë nevojat e tyre. Për shembull, shto fotografi të një hapësire parkimi për invalidë për të treguar qartë vendndodhjen e saj në raport me shtëpinë tënde.

Të gjitha kushtet lehtësuese shqyrtohen sipas udhëzimeve për fotografitë të Airbnb para se të shtohen në listim. Nëse fotografia nuk e shfaq qartë kushtin lehtësues, mund të të kërkojmë të ngarkosh një fotografi të re ose ta heqësh kushtin lehtësues nga listimi.

Mëso më shumë rreth fotografimit të kushteve lehtësuese

Përgatitja për vizitorët e tu

Nëse kontaktohesh nga një vizitor me nevoja për kushte lehtësuese, duke i bërë disa pyetje para se të prenotojë, mund ta ndihmosh të kuptojë nëse hapësira jote është e përshtatshme për të.

Disa shembuj të dobishëm për hapjen e bisedës mund të jenë:

  • Ke pyetje specifike në lidhje me hapësirën?
  • A mund të bëj ndonjë gjë për ta bërë qëndrimin tënd më të rehatshëm?

Para se të mbërrijë një vizitor me nevoja për kushte lehtësuese, mendo për ndonjë rregullim të fundit që mund ta bëjë lëvizjen më të lehtë në hapësirën tënde. Ja disa ide:

  • Lëvizja e mobilieve si karriget dhe tavolinat për të krijuar vendkalime më të gjera në hapësirat e ndenjjes
  • Organizimi i ambientit për t'i bërë prizat e energjisë më të arritshme
  • Vendosja e artikujve shtëpiakë, si peshqirët dhe enët, në vende më të lehta për t'u arritur

Mëso se si ta bësh ambientin tënd më të përshtatshëm

Krijo një udhëzues gjithëpërfshirës dhe angazhues

Udhëzuesi është mundësia që ke për t'u dhënë vizitorëve sugjerime lokale që nxjerrin në pah mikpritjen dhe qytetin tënd. Kur shton rekomandime për ngrënien, vizitat panoramike dhe aktivitetet në natyrë, përpiqu të mendosh si një udhëtar me nevoja për kushte lehtësuese.

Për shembull, konsidero të identifikosh se cilat restorante kanë rampa, të rendisësh shtigjet për ecje me rrugina të shtruara dhe të ndash informacione rreth transportit publik. Duke i përfshirë këto sugjerime në rutinën tënde të pritjes së vizitorëve, mund ta bësh hapësirën tënde tërheqëse për një audiencë më të madhe.

Informacioni në këtë artikull mund të ketë ndryshuar që nga publikimi.
Airbnb
7 pri 2021
A ishte e dobishme kjo?