Organizimi i një përvoje pa probleme

Klientët e vlerësojnë kur pritësi i tyre është i përkushtuar për të ofruar një përvojë të përsosur. Kjo do të thotë të tregosh përgjegjësi, të japësh udhëzime të qarta për mbërritjen, të përshkruash me saktësi përvojën tënde, si dhe të kesh mirëorganizim e të mbërrish në orar.

Përdor mjetet e mesazheve të Airbnb për t'iu përgjigjur mesazheve të klientëve menjëherë para dhe pas një përvoje.

• Përdor përgjigjet e shpejta. Këto modele mesazhesh i nxjerrin detajet nga listimi yt dhe rezervimet e klientëve për të të ndihmuar të përgjigjesh shpejt. Mund t'i modifikosh dhe të programosh dërgimin e tyre në kohë të caktuara, si p.sh.: menjëherë pas prenotimit të një klienti.
• Konfiguro njoftimet. Duke parë mesazhet e klientëve menjëherë, mund të përmirësosh kohën e përgjigjes. Kushtoji vëmendje të veçantë orarit të takimit.

"Është shumë e rëndësishme të japësh përgjigje të shpejta", thotë Jib, e cila organizon një kurs gatimi në Bangkok. "Sa më shpejt t'i zgjidhësh problemet e klientëve ose t'iu përgjigjesh pyetjeve të tyre, aq më shumë do t'iu duket se mund të kenë besim te ti".

Për të treguar besueshmërinë tënde, sigurohu që klientët ta dinë se ku do të takoheni.

• Shkruaj udhëzime të hollësishme. Jep detaje të rëndësishme për t'i ndihmuar klientët të gjejnë vendndodhjen e takimit dhe të dinë se si të të njohin.
• Ndaj udhëzimet paraprakisht. Programo një përgjigje të shpejtë me udhëzimet e mbërritjes një ose dy ditë para përvojës, në mënyrë që klientët të kenë kohë të bëjnë pyetje.

Dani, e cila organizon një shëtitje në këmbë në Brooklyn, dërgon një mesazh mirëseardhjeje kur klientët prenotojnë duke shpjeguar metronë dhe vendin ku do të takohen dhe nga ku do të nisen. "Kjo u jep klientëve mjaft kohë për të planifikuar pjesën e mbetur të ditës së tyre", thotë ajo.

Listimi yt duhet të japë detaje rreth asaj çfarë mund të presin klientët gjatë përvojës.

• Shto çdo bashkëpritës. Shko te kalendari për të shtuar bashkëpritësit me të cilët punon në seancat ku do të presin klientin. Kjo i ndihmon klientët të dinë se kë të kërkojnë.
• Përfshi informacione të hollësishme. Ndihmoji klientët të përgatiten për përvojën tënde duke ndarë gjithçka që duhet të dinë në përshkrimin dhe fotografitë e listimit. Për shembull, mund t'iu bësh të ditur se çfarë të paketojnë, si këpucë të përshtatshme për ecje dhe ujë, ose të shfaqësh fotografi të shkallëve të pjerrëta.

"I njoftoj klientët se do të shkojmë në një treg, ku do të përjetojnë tinguj ritmikë dhe aroma të pasura", thotë Graciela, e cila organizon një kurs gatimi në Qytetin e Meksikos. "Në këtë mënyrë, ata mbërrijnë të përgatitur dhe të emocionuar për përvojën".

Ndjekja e itinerarit e ndihmon përvojën tënde të zhvillohet pa probleme.

• Merr kohë për të planifikuar paraprakisht. Përgatit vendndodhjen dhe çdo furnizim që përvoja të shkojë sipas programit. Për shembull, sigurohu që zona të jetë e pastër dhe të ketë mjaft karrige dhe hapësira pune.
• Cakto një ritëm të përballueshëm. Fillo dhe mbaro në kohë dhe përfshi pushimet në mënyrë që të mos kesh nevojë të nxitosh gjatë aktiviteteve.

"Kalova shumë kohë duke planifikuar rrugën time", thotë Evren, e cila organizon një shëtitje në këmbë në Soho, Londër. "Dhe pastaj bëra shumë herë prova për t'u siguruar që do të funksiononte siç duhej".

Të gjithë pritësit, fotografitë dhe detajet e listimit duhet të përmbushin standardet dhe kriteret për Përvojat në Airbnb.

Informacioni në këtë artikull mund të ketë ndryshuar që nga publikimi.