Çfarë kërkohet për të organizuar Përvoja në Airbnb

Përvojat në Airbnb janë krejtësisht të rikonceptuara, të organizuara nga vendas që e njohin qytetin në majë të gishtave. Aktivitetet përfshijnë shëtitje unike, degustime, aktivitete në natyrë, seminare e të tjera.

Përvojat verifikohen për cilësinë, ndërsa pritësit, bashkëpritësit dhe listimet duhet të përmbushin standardet dhe kërkesat tona. Ja disa gjëra kryesore që duhen ditur:

• Verifikimi i identitetit: Verifiko identitetin dhe, kur është e zbatueshme, kalo kontrollet e aktivitetit penal dhe kontrolle të tjera.
• Licenca dhe certifikimi: Mirëmbajtja e licencave, sigurimeve dhe certifikimeve të vlefshme që lidhen me aktivitetin. Jep prova kur është e nevojshme.
• Njohuritë: Trajnim formal ose njohuri të tjera që lidhen me përvojën, të tilla si arsimi, praktika profesionale ose trashëgimia familjare. Mund të verifikojmë arsimin, historikun e punësimit ose çmimet dhe vlerësimet që përfshin në listimin tënd.
• Aktiviteti: Lidh aktivitetin me vendasit, kulturën ose kuzhinën lokale. Përvoja duhet t'i nxisë klientët të marrin pjesë dhe të njihen me ty dhe me njëri-tjetrin.
• Vendi: Zgjidh një vendndodhje të sigurt, të pastër, të rehatshme dhe të mirëpajisur për përvojën.

• Fotografitë: Dërgo të paktën 5 fotografi me cilësi të lartë, me ngjyra. Ndaj aq sa të nevojiten për të vendosur pritshmëri të qarta.
• Titulli: Përqendrohu në aktivitetin kryesor. Nise titullin me një folje që tregon se çfarë do të bëjnë klientët gjatë përvojës, si "eksploro", "zbulo" ose "shijo".
• Përshkrimi: Plotësoje titullin me detaje që theksojnë arsyen që një klient mund ta prenotojë përvojën, kush je dhe çfarë e bën të veçantë vendndodhjen tënde.
• Itinerari: Përshkruaj aktivitetet specifike të përvojës nga fillimi deri në fund, në mënyrë që klientët të mund të vendosin nëse përvoja është e përshtatshme për ta. Duhet të përfshijë të paktën një aktivitet.

Propozimet e përvojave dhe ndryshimet e bëra në listimet e miratuara do të shqyrtohen.

• Prenotimet: Respekto rezervimet e klientëve dhe shmang anulimet për arsye të parandalueshme.
• Shkëmbimi i mesazheve: Komuniko shpejt me klientët para se të fillojë rezervimi.
• Siguria: Zgjidh një ambient të sigurt dhe jepu klientëve trajnimin dhe pajisjet e duhura për të parandaluar dëmtimet. Krijo një plan për përballimin e situatave emergjente.
• Vlerësimet: Mbaj vlerësime të larta me yje nga klientët.
• Listimi: Mbaji të sakta detajet e listimit, duke përfshirë vendndodhjen, orarin e fillimit dhe të përfundimit dhe çdo kërkesë për bashkëpritësit dhe klientët, të tilla si mosha dhe niveli i duhur i aftësive për aktivitete.

Procesi i verifikimit është në vazhdim. Airbnb shqyrton përshtypjet e klientëve, anulimet e pritësit dhe raportimet te shërbimi i klientit për sigurinë dhe cilësinë e përvojave.

Përveçse sa më sipër, duhet të respektosh gjithashtu Kushtet e shërbimit të Airbnb, Rregullat bazë të pritësit dhe Rregulloret e sigurisë së pritjes së klientëve.

Pritësve që nuk plotësojnë standardet dhe kërkesat tona mund t'u pezullohet ose hiqet listimi ose llogaria. Lexo të gjitha standardet dhe kriteret e cilësisë për Përvojat në Airbnb.

Informacioni në këtë artikull mund të ketë ndryshuar që nga publikimi.