Kalo te përmbajtja
    Vazhdo përpara për të hyrë në rezultatet e sugjeruara
    Përditësim për COVID-19
    Nëse planet e tua të udhëtimit kanë ndryshuar për shkak të COVID-19, mund të ndryshosh ose të anulosh rezervimet në faqen "Udhëtime".

    Si të prenotoj një vend në Airbnb?

    Kur prenoton një ambient në Airbnb, po organizohesh për të qëndruar në shtëpinë e dikujt. Çdo host ka stilin e vet të pritjes së vizitorëve, duke filluar me mënyrën me të cilën duan t'i njohin vizitorët. Disa hostë duan t’i miratojnë rezervimet, ndërsa disa të tjerë nuk e kanë problem të të lejojnë ta prenotosh ambientin e tyre në çast, pa pritur për aprovimin e tyre.

    1. Plotëso profilin tënd

    Në çdo rast, është e rëndësishme të dish që Airbnb është një komunitet që mbështetet në besim. Plotësoje profilin tënd para se të kërkosh rezervim nga një host, në mënyrë që hosti të mund të dijë diçka mbi ty para se të konfirmojë. Profili yt duhet të përfshijë fotografi dhe verifikime, veçanërisht sepse disa hostë kërkojnë që vizitorët të kenë një fotografi profili ose ID të verifikuar që të mund të prenotojnë.

    2. Gjej ambientin e duhur

    Me mbi 800 000 listime unike në mbarë botën, është mirë të sigurohesh që ambienti që ke zgjedhur ka gjithçka që të duhet për një udhëtim të rehatshëm që do të të mbetet në mendje.

    Kur kërkon për një ambient, sigurohu të përfshish datat dhe numrin e vizitorëve për të marrë çmimet më të sakta. Lexo recensionet, përshkrimet, rregullat e shtëpisë dhe shërbimet për çdo ambient, për të parë nëse është i përshtatshëm për udhëtimin tënd. Mund të kontaktosh gjithmonë hostin nëse ke pyetje rreth shtëpisë së tij.

    3. Prenotoje!

    Ke gjetur vendin prefekt, dhe tani është koha për ta bërë zyrtare. Në këtë moment, mënyra e preferuar e hostit për prenotimin do të përcaktojë se si do të konfirmosh rezervimin tënd.

    • Prenoto në çast

      Për hostët që nuk duan të miratojnë çdo rezervim, në listimin e tyre do të shfaqet një buton që lexon Prenoto në çast. Siç sugjeron emri, në këto vende mund ta konfirmosh rezervimin menjëherë. Mëso më shumë rreth opsionit Prenoto në çast.

    • Bëj një kërkesë për prenotim

      Shumë hostë preferojnë t’i miratojnë rezervimet para se të jenë përfundimtare. Në këtë rast, në listim do të shfaqet një buton që thotë Kërkesë për prenotim. Për të paraqitur një kërkesë rezervimi, duhet të japësh detajet e tua të pagesës. Hostët kanë 24 orë për të pranuar kërkesën tënde dhe rezervimi konfirmohet automatikisht sapo ata ta pranojnë. Mëso më shumë se si të paraqesësh një kërkesë rezervimi.

    • Miratimet paraprake dhe ofertat speciale

      Nëse vendos të kontaktosh hostin për të bërë pyetje para se të përpiqesh të prenotosh, hosti mund t'i përgjigjet mesazhit tënd duke të ftuar të bësh një prenotim me një miratim paraprak ose ofertë speciale. Miratimi paraprak është një ftesë për të përfunduar prenotimin për datat dhe numrin e vizitorëve që ke specifikuar në mesazhin tënd. Oferta speciale i jep hostit mundësinë për të dhënë çmime, data dhe të dhëna të tjera të veçanta të rezervimit para se të prenotosh. Mëso më shumë se si të prenotosh një miratim paraprak apo një ofertë speciale.

    E morët ndihmën që ju duhej?