Prenotimi i qëndrimeve të ndara

Qëndrimet e ndara të lejojnë t'i ndash qëndrimet më të gjata midis 2 listimeve të ndryshme. Çdo qëndrim i ndarë përfshin 2 qëndrime të njëpasnjëshme gjatë periudhës së datave të tua, duke të mundësuar të eksplorosh listime, lagje apo edhe destinacione të ndryshme gjatë udhëtimit tënd.

Ku shfaqen qëndrimet e ndara

Kur kërkon një qëndrim me data javore ose më të gjata, qëndrimet e ndara shfaqen automatikisht në fund të rezultateve të kërkimit në kategorinë Të gjitha listimet nëse ka më pak se 300 listime që plotësojnë kriteret e kërkimit. Mjafton të zbresësh poshtë për të parë një sërë alternativash që ta ndash udhëtimin midis 2 listimeve relativisht të afërta me njëra-tjetrën.

Mund të gjesh gjithashtu qëndrime të ndara kur shfleton 14 kategori të ndryshme duke përfshirë Kamping, Dizajn, Parqe Kombëtare, Skijim, Sërf, Tropikale e të tjera. Këto çiftime të mundësojnë të shijosh prona ose aktivitete të ngjashme në 2 vendodhje të ndryshme.

Si funksionojnë qëndrimet e ndara

Qëndrimet e ndara do të të paraqesin alternativa për të ndarë udhëtimin tënd midis 2 listimeve të veçanta (p.sh.: një javë në listimin e parë dhe javën tjetër në listimin e dytë). Ja disa gjëra që duhen ditur:

• Qëndrimet e ndara do të shfaqen në rezultatet e tua të kërkimit bazuar në datat që ke vendosur. Procesi i kombinimit është plotësisht automatik.
• Qëndrimet e ndara kufizohen në kombinimin e 2 qëndrimeve të njëpasnjëshme. Data e çregjistrimit për qëndrimin e parë do të jetë e njëjtë me datën e regjistrimit për qëndrimin tënd të dytë.
• Qëndrimet e ndara do të shfaqin vetëm listimet që përputhen me çdo përzgjedhje filtri që mund të kesh specifikuar (çmimi, numri i dhomave të gjumit, shërbimet etj.)
• Qëndrimet e ndara identifikohen në hartë me një ikonë unike dhe një hark të animuar që lidh 2 listimet. Kështu do të mund të shohëh se ku janë dy listimet dhe të dish se cili qëndrim është i pari nga të dy.

Prenoto një qëndrim të ndarë

Prenotimi i një listimi të vetëm

Nëse dëshiron të prenotosh vetëm një nga listimet gjatë qëndrimit, mund ta përfundosh pagesën për një nga listimet dhe më pas të dalësh nga pagesa për listimin tjetër.  Listimi i parë do të mbetet i rezervuar në llogarinë tënde. Pastaj mund të zgjedhësh të kërkosh listime alternative për datat e mbetura.

Qëndrimet e ndara nuk të lejojnë të modifikosh datat gjatë procesit të pagesës. Nëse dëshiron të modifikosh datat, mund ta hapësh listimin veçmas, t'i rregullosh datat dhe ta prenotosh atë veçmas siç do të bëje zakonisht. Do të hiqesh nga alternativa e qëndrimeve të ndara.

Pasi të prenotosh një qëndrim të ndarë

• Çdo listim në një qëndrim të ndarë është një rezervim më vete dhe do të shfaqet si 2 udhëtime të radhës në skedën "Udhëtime".
• Nëse ndryshon mendje, mund të anulosh një ose të dyja rezervimet, por do të zbatohet Rregullorja e anulimit specifike për secilin listim.
• Çdo listim në një qëndrim të ndarë ka një pritës të veçantë dhe duhet të komunikosh me çdo pritës veçmas për secilin listim në qëndrimin e ndarë.