Siguria e pritësit dhe e vizitorit

Për të garantuar sigurinë gjatë qëndrimeve, përvojave dhe ndërveprimeve, ka aktivitete dhe sjellje të caktuara që nuk lejohen në komunitetin tonë.

Çfarë lejohet

• Vetmbrojtje: Nëse ndonjëherë sulmohesh fizikisht gjatë një qëndrimi ose përvoje, të lejohet të mbrohesh me forcë sa të jetë e nevojshme, derisa rreziku të kalojë.
• Armët e lejuara: Me përjashtim të pajisjeve shpërthyese ose zjarrfikëse dhe armëve sulmuese, si vizitor, mund të mbash armë me pronësi të ligjshme ose armë jo-vdekjeprurëse vetëm nëse janë siguruar siç duhet dhe jane deklaruar te pritësi yt para mbërritjes. Si pritës, mund t'i mbash armët në pronësi ligjore në akomodimin tënd, me kusht që të jenë të siguruara; armët duhet të deklarohen gjithashtu nëse janë vendosur në një vend të dukshëm ose në një mënyrë që mund të zbulohen nga vizitorët. Mëso më shumë rreth rregullave tona për armët në një listim.

Çfarë nuk lejohet

• Kërcënimet ose abuzimet: Kërcënimet, dhuna ose abuzimi ndaj të tjerëve, duke përfshirë partnerët intimë, fëmijët, kafshët dhe njerëzit e sëmurë ose me aftësi të kufizuara, nuk kanë vend në komunitetin tonë.
• Sulmet seksuale dhe sjelljet e gabuara: Ndalohen sulmet seksuale dhe sjelljet e gabuara seksuale të çdo lloji. Çdo prekje e padëshiruar ose kundër vullnetit, sjellje flirtuese ose seksuale ose biseda rreth marrëdhënieve personale ose preferencave seksuale janë të papranueshme.
• Kafshë të rrezikshme ose të paligjshme: Ndalohet çdo kafshë, raca ose specia e së cilës është e paligjshme për t'u pasur në zotërim në vendndodhjen e listimit ose përvojës. Kafshët shtëpiake, bujqësore dhe të egra që mund të paraqesin rrezik sigurie gjatë një rezervimi, duhet të mbahen siç duhet dhe t'ju tregohen vizitorëve pa pritur që ata të pyesin. Kafshët që nuk shfaqin shenja se mund të përbëjnë rrezik nuk është nevoja të deklarohen, pasi mjeti i deklarimit është për "kafshë të rrezikshme". Mëso më shumë rreth rregullave tona për kafshët e rrezikshme.
• Pajisje shpërthyese, pajisje djegëse ose armë sulmi: Këta artikuj nuk lejohen kurrë në një qëndrim apo përvojë, edhe nëse është e ligjshme t'i kesh ato në zonën tënde.
• Armë të pasigurta/të padeklaruara. Çdo armë në pronësi ligjore duhet të deklarohet dhe të sigurohet në mënyrën e duhur.

Jemi këtu për të ndihmuar

Nëse ka një situatë urgjente në proces, kontakto me shërbimet lokale të urgjencës ose me autoritetet e zbatimit të ligjit për të kërkuar ndihmë.

Për probleme sigurie, jemi të disponueshëm 24 orë në ditë. Lexo më shumë në Qendrën e ndihmës se si të na kontaktosh.

Ne i marrim shumë seriozisht kërcënimet për vetëvrasje dhe vetëlëndim dhe mund të kontaktojmë autoritetet për të kërkuar një kontroll të situatës nëse njoftohemi se ekziston një rrezik i mundshëm për sigurinë. Nëse ti ose dikush tjetër ndiheni të kërcënuar ose të pasigurt, kontakto fillimisht me autoritetet lokale të zbatimit të ligjit për të kërkuar ndihmë.

Përveç kësaj, nëse ke dëshmuar apo ke hasur një sjellje që bie ndesh me kushtet apo rregulloret tona, na njofto.