Çfarë pritet nga pritësit dhe përvojat e tyre

Përvojat duhet të përmbushin standardet e cilësisë dhe të sigurisë. Pritësit e përvojave duhet të tregojnë ekspertizë, të kenë qasje të privilegjuar dhe njohje, gjë që garanton ofrimin e përvojave me cilësi të lartë, të drejtuara nga pritës që kanë njohuritë e duhura dhe janë mikpritës.

Çfarë lejohet

• Pajtueshmëria me rregullat e shëndetit dhe të sigurisë: Një përvojë lejohet për sa kohë që pritësit respektojnë ligjet e shëndetit dhe të sigurisë dhe kriteret e sigurisë.
• Masat paraprake të sigurisë ushqimore: Përvojat me ushqimin lejohen vetëm nëse pritësi merr masat e duhura paraprake për të shmangur sëmundjet e shkaktuara nga ushqimi dhe për të përmbushur standardet e Airbnb për trajtimin e ushqimit gjatë përvojave.
• Disa kafshë të caktuara: Kontakti i drejtpërdrejtë me kafshët lejohet vetëm me kafshët shtëpiake ose ato të fermave. Distanca e sigurt duhet të ruhet për të gjitha kafshët e tjera. Pritësit duhet të ndjekin udhëzimet e Airbnb për mirëqenien e kafshëve.
• Disa përvoja të caktuara që përfshijnë armë: Një përvojë që përfshin armë zjarri ose armë prerëse si thikat dhe me hedhje, lejohen për sa kohë që pritësit e kufizojnë përvojën për vizitorë 18 vjeç e lart, janë në përputhje me ligjet lokale për sa i përket vendndodhjes dhe sigurimit të kërkuar dhe kanë dhënë fakte për zotërimin e lejeve të duhura të verifikuara nga ofruesi i caktuar i shërbimit në Airbnb.
• Disa tematika të caktuara për të rritur: Pritësit mund të ofrojnë përvoja me tematikë seksuale që nuk synojnë ndjellje seksuale (p.sh.: kurs kërcimi në tub, fotografi boudoir, historia e seksit etj., lejohen), me kusht që të zhvillohen vetëm në prona tregtare. Por pritësit duhet t'i kufizojnë këto përvoja për vizitorët 18 vjeç e lart dhe të specifikojnë nëse ka tematika seksuale (si lakuriqësia), se kush tjetër mund të jetë i pranishëm, nivelet e privatësisë së vendndodhjes, si dhe t'u japë vizitorëve mundësinë të heqin dorë nëse nuk ndihen rehat.
• Aktivitetet politike: Përvojat që përfshijnë aktivitete politike lejohen vetëm nëse kanë natyrë informuese dhe edukuese dhe nuk përfshijnë veprimtari të drejtpërdrejta politike, si fushata dhe mbledhje fondesh.

Çfarë nuk lejohet

• Shfrytëzimi/abuzimi me kafshët: Pritësit nuk duhet të lejojnë ndërveprime të drejtpërdrejta me kafshët e egra (p.sh. kalërimin, përkëdheljen, ushqyerjen), me kafshë shtëpiake dhe/ose pune të mbingarkuara, ose të promovojnë dhe të ofrojnë veprimtari sportive (si vrapimin e demave dhe garat me kuaj) ose blerjen apo konsumimin e produkteve të kafshëve të egra.
• Tematikat për të rriturit: Pritësit nuk duhet të ofrojnë aktivitete seksualisht eksplicite, si shkuarja në klube striptizmi ose vizita në teatro pornografie. Përvojat me tematikë lakuriqësie dhe tematika të caktuara seksuale nuk mund të zhvillohen në akomodimet rezidenciale.
• Sportet e rrezikshme: Pritësit nuk duhet të ofrojnë përvoja që përfshijnë sporte në lartësi ekstreme ose shpella (p.sh.: hedhje nga lartësitë, parashutizëm, skijim me hedhje nga helikopteri, ekplorim shpellash), aktivitete të caktuara në oqeane (p.sh.: zhytje të lira, sërf me dërrasë e parashutë, zhytje mes peshkaqenëve), ose aktivitete të caktuara në akull ose në mal (p.sh.: lundrim në kanione, ngjitje në akullnaja, ngjitje e lirë).
• Shpërfillja e sigurisë: Pritësi duhet të marrë masa paraprake të mjaftueshme dhe të përshtatshme gjatë planifikimit dhe zhvillimit të aktiviteteve.
• Përvoja me bazë gjinore: Pritësit nuk mund të ofrojnë përvoja vetëm për një gjini, përveç rasteve kur vlen një nga arsyet e mëposhtme: kërkesa ligjore ose kulturore, kërkesa për privatësi ose kërkesa për një hapësirë të sigurt.

Mëso më shumë rreth standardeve dhe kritereve të cilësisë për Përvojat e Airbnb.

Jemi këtu për të ndihmuar

Përveç kësaj, nëse ke dëshmuar apo provuar një sjellje që bie ndesh me rregulloret tona, na njofto.