Kalo te përmbajtja
Vazhdo përpara për të hyrë në rezultatet e sugjeruara

    A zbatohet Rregullorja e rrethanave lehtësuese për rezervimin tim gjatë pandemisë COVID-19?

    Sugjerim: Duhet të përmbushësh kushte të caktuara për të anuluar sipas Rregullores së rrethanave lehtësuese, por mund të anulosh gjithmonë sipas rregullores së anulimit të pritësit. Ndërkohë që kërkon vendqëndrime, përdor filtrin e anulimit fleksibël për të ndihmuar në zgjedhjen e një qëndrimi më të përshtatshëm për ty.

    Në këtë artikull zyrtar shpjegohet hollësisht se si zbatohet Rregullorja e rrethanave lehtësuese për anulimet për shkak të COVID-19.

    Këtu është një përmbledhje për të të ndihmuar që të kuptosh nëse rezervimi yt kualifikohet.

    Rezervimi yt kualifikohet nëse të gjitha pohimet e mëposhtme janë të vërteta

    • Ke prenotuar brenda datës 14 mars 2020
      • dhe data e regjistrimit është brenda 45 ditëve të ardhshme nga sot
      • dhe nuk e ke anuluar ende
      • dhe as je regjistruar ende
      • dhe për shkak të pandemisë nuk mund ta realizosh rezervimin

    Nëse të gjitha pohimet janë të vërteta, mund ta anulosh vetë dhe gjatë procesit do të të ofrohen alternativat e anulimit dhe të rimbursimit. Për të anuluar sipas rregullores, duhet të dokumentosh ose të vërtetosh që nuk je në gjendje të përfundosh rezervimin për shkak të COVID-19.

    Shënim: Nëse je sëmurë me COVID-19, mund të anulosh në bazë të rregullores, pavarësisht detajeve të rezervimit, duke kontaktuar ekipin tonë të asistencës së komunitetit. Do të të kërkojmë ta verifikosh këtë përmes dokumentacionit.

    Rezervimi yt nuk kualifikohet nëse po anulon për shkak të COVID-19 dhe nëse një nga pohimet e mëposhtme është i vërtetë

    • Është prenotuar pas datës 14 mars 2020 ose
    • Regjistrimi është pas më shumë se 45 ditësh nga sot ose
    • Është anuluar tashmë ose
    • Je regjistruar tashmë

    Nëse nuk kualifikohesh dhe anulon, është Rregullorja e anulimit të pritësit që e përcakton rimbursimin tënd, shumën e të cilit do të ta shfaqim para se të konfirmosh anulimin. Në këtë rast, shlyerjet e pagesave të pritësit dhe rimbursimet e vizitorëve lëshohen në bazë të Rregullores së anulimit të pritësit, të cilën e ke pranuar gjatë prenotimit.

    Shënim: Kur një rezervim anulohet, Airbnb kryen çdo shlyerje pagese që i detyrohet pritësit dhe çdo rimbursim që i detyrohet vizitorit, në bazë të Rregullores së anulimit të pritësit. Për këtë arsye, rezervimet që janë anuluar përpara njoftimit apo zgjatjes së afatit të mbulimit nuk do të merren në konsideratë.

    Alternativa të tjera nëse rezervimi yt nuk kualifikohet

    Nëse planet e tua janë fleksibël, mund të konsiderosh të bashkëpunosh me pritësin tënd për të shtyrë rezervimin në një datë të ardhshme.

    Mund të kontaktosh pritësin për të kërkuar një rimbursim shtesë, e nëse pritësi pranon, mund të përdorë Qendrën e zgjidhjes së problemeve për të të transferuar paratë në mënyrë të sigurt.

    Ki parasysh se për rezervimet brenda vendit në Kinën kontinentale dhe për rezervimet e Luxe ose Luxury Retreats aplikohen rregullore të ndryshme.

    E morët ndihmën që ju duhej?

    Artikuj të ngjashëm