A zbatohet Rregullorja e rrethanave lehtësuese për rezervimin tim gjatë pandemisë COVID-19?

Në këtë artikull shpjegohet hollësisht se si zbatohet Rregullorja e rrethanave lehtësuese për anulimet për shkak të COVID-19.

Kjo është një përmbledhje që të ndihmon të përcaktosh nëse rezervimi yt kualifikohet.

Nëse ke prenotuar deri më 14 mars 2020, rezervimi yt kualifikohet nëse sa më poshtë është e vërtetë

• Data e regjistrimit është brenda 45 ditësh duke filluar nga sot
• dhe nuk e ke anuluar ende
• dhe nuk je regjistruar ende
• dhe pandemia po të pengon ta përfundosh rezervimin

Nëse të gjitha pohimet janë të vërteta, mund ta anulosh vetë dhe gjatë procesit do të të ofrohen alternativat e anulimit dhe të rimbursimit. Për të anuluar sipas rregullores, duhet të dokumentosh ose të vërtetosh që nuk je në gjendje të përfundosh rezervimin për shkak të COVID-19.

Nëse ke prenotuar pas datës 14 mars 2020 dhe para datës 31 maj 2022, rezervimi yt kualifikohet nëse sa më poshtë është e vërtetë

• Data e regjistrimit është brenda 14 ditëve të ardhshme
• dhe nuk e ke anuluar ende
• dhe nuk je regjistruar ende
• dhe ti vetë ose një tjetër vizitor në udhëtimin tënd është sëmurë aktualisht me COVID-19

Nëse të gjitha pohimet janë të vërteta, mund të anulosh duke kontaktuar ekipin tonë të asistencës së komunitetit. Do të të kërkojmë ta verifikosh këtë përmes dokumentacionit (siç është rezultati i testit të COVID-19), aty ku lejohet nga ligji. Më llogarinë tënde do të bllokohen gjithashtu përkohësisht rezervimet e reja dhe çdo rezervim i ardhshëm brenda 14 ditëve të ardhshme do të anulohet.

Nëse nuk kualifikohesh dhe anulon, është Rregullorja e anulimit të pritësit që e përcakton rimbursimin tënd, shumën e të cilit do të ta shfaqim para se të konfirmosh anulimin. Në këtë rast, shlyerjet e pagesave të pritësit dhe rimbursimet e vizitorëve lëshohen në bazë të Rregullores së anulimit të pritësit, të cilën e ke pranuar gjatë prenotimit.

Nëse ke prenotuar nga data 31 maj 2022 e tutje, rezervimi yt nuk kualifikohet*, por ke mundësitë e tjera më poshtë

Nëse planet e tua janë fleksibël, mund të konsiderosh të bashkëpunosh me pritësin për të ndryshuar rezervimin në një datë të mëvonshme.

Mund të kontaktosh edhe me pritësin për të kërkuar rimbursim shtesë, i cili nëse bie dakord, mund të t'i transferojë paratë në mënyrë të sigurt përmes Qendrës së zgjidhjes së problemeve

Nëse e ke anuluar tashmë ose je regjistruar për rezervimin tënd, mund të kontaktosh ekipin tonë të asistencës së komunitetit për ndihmë.

*Rezervimet brenda vendit në Korenë e Jugut do të vazhdojnë të mbulohen nëse ti vetë ose një vizitor tjetër në udhëtimin tënd është aktualisht i sëmurë me COVID-19. Për rezervimet brenda vendit në Kinën kontinentale dhe për rezervimet e Luxe aplikohen rregullore të ndryshme.