Çfarë ndodh nëse kam vështirësi teknike gjatë një përvoje online?

Nëse ka vështirësi teknike si probleme me videon apo zërin dhe që pengojnë pjesëmarrjen e vizitorëve në një përvojë online, ata kanë të drejtë të rimbursohen.

Pritësit e përvojave online

Nëse ke vështirësi teknike që të pengojnë me organizimin e saj, si probleme me videon apo zërin, do të të duhet të rimbursosh vizitorët. Për të dërguar një rimbursim:

1. Shko tek Kalendari
2. Gjej seancën specifike që dëshiron të anulosh
3. Shtyp Anulo përvojën
4. Shtyp Vështirësi me Zoom si arsye
5. Konfirmo anulimin

Nuk do të penalizohesh për anulimin për shkak të vështirësive teknike dhe vizitorët e tu do të marrin rimbursim të plotë. Mund t'iu dërgosh mesazh vizitorëve për t'i njoftuar që rimbursimi i tyre është dërguar dhe që mund ta prenotojnë sërish përvojën në një orar tjetër.

Ki parasysh se mund të rimbursosh vetëm për kohën deri në fund të seancës. Për shembull, nëse seanca është në intervalin kohor 10:00-11:00 paradite, do të mund të anulosh dhe të rimbursosh plotësisht vizitorët e tu vetëm deri në orën 11:00 paradite. Nuk do të mund të anulosh pas orës 11:00 paradite pasi kjo do të thotë që përvoja është zhvilluar tashmë. Nëse nuk e arrin këtë afat kohor dhe vizitorët duhet të rimbursohen, kontakto me Asistencën e komunitetit për ndihmë.

Vizitorët e përvojave online

Nëse ke vështirësi teknike që të pengojnë pjesëmarrjen në një përvojë, si probleme me videon apo zërin, mund të kërkosh një rimbursim në Qendrën e zgjidhjes së problemeve. Për të kërkuar rimbursim:

1. Shko te skeda Udhëtime
2. Gjej seancën specifike për të cilën dëshiron të rimbursohesh
3. Kliko Shfaq detajet
4. Shtyp Dërgo ose kërko para

Pasi të kesh kërkuar rimbursim, mund të prenotosh sërish të njëjtën përvojë në një orar tjetër.