Alternativat e anulimit për shkak të COVID-19

Rezervimet e bëra deri më 14 mars 2020

Nëse rezervimi është bërë deri më 14 mars 2020 dhe COVID-19 po ndikon në planet e tua të udhëtimit, mund të mësosh se cilat janë alternativat aktuale të anulimit dhe të rimbursimit, duke shkuar tek anulo rezervimin dhe duke zgjedhur Planet e mia të udhëtimit kanë ndryshuar për shkak të pandemisë COVID-19.

Në varësi të rrethanave të tua, mund të të shfaqet një ose më shumë nga alternativat e mëposhtme:

• Rimbursim sipas Rregullores së anulimit të pritësit
• Rimbursim i plotë në para, pasi të kesh dërguar për shqyrtim dokumentacion zyrtar
• Kredit udhëtimi për rrethanat lehtësuese
• Kërkoji pritësit rimbursim të plotë

Rezervimet e bëra pas datës 14 mars 2020 dhe para datës 31 maj 2022

Nëse rezervimi është bërë pas datës 14 mars 2020 dhe para datës 31 maj 2022 dhe COVID-19 po ndikon në planet e tua të udhëtimit, do të zbatohet rregullorja e anulimit të pritësit. Megjithatë, nëse je sëmurë për shkak të COVID-19, kjo mbulohet nga Rregullorja e rrethanave lehtësuese.

Nëse rezervimi yt nuk kualifikohet për rimbursim të plotë, mund t'i dërgosh mesazh pritësit për të mësuar nëse dëshiron të të japë rimbursim shtesë përmes Qendrës së zgjidhjes së problemeve.

Rezervimet e bëra nga data 31 maj 2022 e tutje

Nëse rezervimi është bërë nga data 31 mars 2020 e tutje dhe COVID-19 po ndikon në planet e tua të udhëtimit, do të zbatohet rregullorja e anulimit të pritësit. Rregullorja e rrethanave lehtësuese nuk i mbulon anulimet që lidhen me COVID-19 për këto prenotime.

Gjëra të tjera që duhet të dish

Informacioni i mësipërm nuk është i vlefshëm për rezervimet e Luxe, të cilat i nënshtrohen Rregullores së riprenotimeve dhe rimbursimeve të Luxe. Për rezervimet e Luxe të prenotuara para datës 20 mars 2020, referoju masave të Airbnb Luxe për COVID-19 dhe kontakto drejtpërdrejt me organizuesin e udhëtimit për çdo pyetje.

Për rezervimet brenda vendit në Korenë e Jugut zbatohen rregullore të ndryshme.