Vazhdo përpara për të hyrë në rezultatet e sugjeruara

    Nëse has probleme gjatë regjistrimit

    Nëse ndodh diçka e papritur gjatë regjistrimit, të rekomandojmë t'i dërgosh mesazh pritësit për të diskutuar fillimisht për një zgjidhje. Me shumë gjasë, do të të ndihmojë ta zgjidhësh menjëherë. Nëse dëshiron të kërkosh rimbursim ose ta anulosh rezervimin, mund të të ndihmojmë të fillosh me pritësin.

    Dërgoji mesazh pritësit

    Në përgjithësi, është mirë të provosh të flasësh fillimisht me pritësin. Mund t'i dërgosh mesazh pritësit drejtpërdrejt nga kutia e mesazheve për të diskutuar një zgjidhje. Nëse arrin një marrëveshje me pritësin për një zgjidhje, ka më shumë gjasa që kërkesa të miratohet.

    Fillo një kërkesë brenda 24 orësh

    Nëse problemi nuk është zgjidhur, do të të ndihmojmë të fillosh një kërkesë për të zgjidhur problemin. Kur ta bësh këtë, mund të zgjedhësh t'i kërkosh pritësit të rregullojë problemin, të kërkosh një rimbursim të pjesshëm ose të kërkosh të anulosh rezervimin me rimbursim të plotë. Pritësi yt do të ketë 1 orë kohë për t'iu përgjigjur kërkesës sate. Nëse refuzon ose nuk përgjigjet, mund t'i kërkosh Airbnb të ndërhyjë për ndihmë.

    1. Mblidh prova: Nëse është e mundur, bëj fotografi ose video për të dokumentuar probleme, si mungesën apo prishjen e një shërbimi
    2. Dërgoji një kërkesë pritësit tënd: Do të përshkruash problemin, do të shtosh fotografi nëse mundesh dhe do t'i bësh të ditur pritësit se si dëshiron ta zgjidhësh. Është e rëndësishme të kërkosh ndihmë brenda 24 orësh pas vërejtjes së problemit. Përndryshe, shuma e rimbursimit tënd mund të ndryshojë.
    3. Prit përgjigjen: Nëse refuzon ose nuk përgjigjet brenda 1 ore, mund t'i kërkosh Airbnb të ndërhyjë për ndihmë. Airbnb do t'i referohet Rregullores së rimbursimit të vizitorit për të të ndihmuar të zgjidhësh problemin.

    Shënim: Në situatë urgjence ose nëse rrezikohet siguria jote personale, kontakto menjëherë policinë e vendit ose shërbimet e urgjencës.

    E morët ndihmën që ju duhej?

    Artikuj të ngjashëm