Vazhdo përpara për të hyrë në rezultatet e sugjeruara

    Çfarë sugjerimesh për mbrojtjen u jepen vizitorëve të vendqëndrimeve?

    Këtu janë disa këshilla për t'ju ndihmuar të udhëtoni me besim.

    Kërkoni dhe prenotoni me besim

    Merrni pikërisht atë që kërkoni duke përfituar nga filtrat tanë të shumtë të kërkimit, si çmimi, lloji i shtëpisë dhe shërbimet. Gjetët një listim që ju pëlqen? Sigurohuni të lexoni plotësisht profilin e hostit dhe përshkrimin e listimit, duke i kushtuar vëmendje të veçantë shërbimeve, rregullave të shtëpisë dhe rregullores së anulimit.

    Lexoni vlerësimin dhe recensionet

    Lexoni përshtypjet e vizitorëve të kaluar për atë që ju përshtatet. Do të gjeni vlerësime për disa aspekte të cilësisë, si pastërtia e saktësia dhe recensione të hollësishme me përshtypje autentike. Vizitorët mund të lënë recension vetëm pasi të kenë qëndruar tek ai host i caktuar, kështu do të dini se përshtypja që po lexoni është e dikujt që ka qëndruar aty.

    Shqyrtoni elementet e sigurisë së shtëpisë

    Kur prenotoni një ambient në Airbnb, duhet të shqyrtoni informacionin nëse hosti ka raportuar ose jo praninë e detektorëve të tymit dhe monoksidit të karbonit në pronë. Këto të dhëna do t'i gjeni në faqen e listimit nën Shërbimet.

    Detektorët e monoksidit të karbonit nuk janë të zakonshëm në shumë vende të botës, ndaj ju sugjerojmë të blini një dhe ta merrni me vete kur udhëtoni, veçanërisht nëse vendi ku do të qëndroni nuk e ka të listuar një të tillë. Këtu kemi një shembull të një detektori portativ të monoksidit të karbonit.

    Merrni përgjigje për pyetjet tuaja

    Mjeti ynë i sigurt i mesazheve është një mënyrë e sigurt dhe e lehtë për t'i bërë një hosti të mundshëm çfarëdolloj pyetjeje që keni para se të prenotoni. Pas prenotimit, mund t'i dërgoni mesazh hostit për të koordinuar regjistrimin, t'i bëni pyetje të mëtejshme dhe të qëndroni në kontakt gjatë udhëtimit.

    Komunikoni dhe paguani gjithmonë në Airbnb

    Mbroni veten, pagesën dhe informacionet tuaja personale duke qëndruar në platformën tonë të sigurt gjatë gjithë procesit, nga komunikimi e deri në momentin e prenotimit dhe të pagesës. Nuk duhet t'ju kërkohet kurrë të transferoni para, të jepni të dhënat e kartës së kreditit ose të paguani drejtpërdrejt hostin. Nëse ju ndodh, ju lutemi ta raportoni menjëherë tek ne.

    Bëni një kontroll sigurie

    Pasi të keni mbërritur, sigurohuni që të dini se ku janë të gjitha pajisjet përkatëse të emergjencës dhe informacioni i sigurisë. Nëse nuk jeni i sigurt se ku ndodhet kutia e ndihmës së shpejtë apo fikësja e zjarrit, mos hezitoni të pyesni hostin. Është gjithmonë më mirë të jeni i përgatitur.

    Kërkoni lajmërime dhe sinjalizime për udhëtimet në zonë

    Pavarësisht nëse udhëtoni me Airbnb apo jo, është gjithmonë ide e mirë të lexoni paraprakisht për destinacionin dhe të pyesni ambasadën tuaj në vend nëse se ka ndonjë sinjalizim për udhëtimet apo kërkesa të veçanta. Për shembull, udhëtarët nga Shtetet e Bashkuara duhet të pyesin Departamentin e Shtetit për informacion mbi vizat dhe sinjalizime për udhëtimet.

    Mësoni më shumë në faqen tonë të Besimit dhe Sigurisë.

    Mos harroni: Në një situatë emergjence ose nëse rrezikohet siguria juaj personale, kontaktoni menjëherë policinë ose shërbimet lokale të urgjencës.

    E morët ndihmën që ju duhej?

    Artikuj të ngjashëm