Si ndihmon Airbnb me kushtet lehtësuese

Për t'ua lehtësuar udhëtimet me Airbnb personave me aftësi të kufizuara dhe me nevoja të tjera për kushte lehtësuese, kemi punuar për ta bërë faqen tonë të internetit dhe aplikacionin më praktike dhe u kemi krijuar mundësi pritësve dhe vizitorëve që të ekspozojnë dhe të kërkojnë hapësira dhe përvoja me kushte lehtësuese.

Mëso më shumë rreth kushteve lehtësuese në Airbnb.

Aksesueshmëria në faqen tonë të internetit dhe në aplikacion

Në bashkëpunim me Lighthouse for the Blind and Visually Impaired dhe Level Access, po kryejmë disa studime për të kuptuar se si njerëzit me aftësi të kufizuara shikimi e përdorin teknologjinë e ndërveprimit me ekranin për të përdorur faqen tonë të internetit dhe aplikacionin. Kemi mësuar shumë se çfarë funksionon dhe çfarë jo, si dhe kemi krijuar një ekip të dedikuar për trajnimin e inxhinierëve dhe dizajnerëve tanë për krijimin e përvojave online që mund të ndiqen nga të gjithë.

Hapësira me kushte lehtësuese

Pritësit mund të nxjerrin në pah ato kushte lehtësuese të banesës së tyre, që e bëjnë atë më të përshtatshme për vizitorët me karrige me rrota, bastun ose mjete të tjera ndihmëse për lëvizjen. Nëse një banesë ka për shembull një shteg pa shkallë në hyrjen e jashtme ose dyer më të gjera se 81 cm, pritësit mund t'i shtojnë këto si kushte lehtësuese në listimin e tyre. Përveç kësaj, pritësve u kërkohet të ngarkojnë fotografi në seksionin e kushteve lehtësuese të faqeve të listimit të tyre, për të shfaqur çdo kusht lehtësues që kanë zgjedhur. Kjo i ndihmon vizitorët të kuptojnë nëse listimi do t'i përmbushë nevojat e tyre. Të gjitha kushtet lehtësuese janë të nevojshme për të përmbushur udhëzimet tona për qartësi dhe saktësi. Mëso rreth udhëzimeve dhe se si të shtosh kushte lehtësuese.

Vizitorët mund t'i filtrojnë rezultatet e kërkimit sipas kushteve lehtësuese, të tilla si dush ose hyrje pa shkallë, në mënyrë që të dinë nëse ambienti do të jetë i përshtatshëm. Mëso se si të kërkosh për listime me kushte lehtësuese.

I inkurajojmë gjithashtu pritësit që të lexojnë materialet burimore të vëna në dispozicion nga agjencitë qeveritare dhe të kontaktojnë me një ekspert për këshilla rreth çdo kërkese ligjore ose rregullatore të vlefshme për listimet e tyre. Për shembull, në Shtetet e Bashkuara, Ligji për amerikanët me aftësi të kufizuara dhe ligjet shtetërore të aksesueshmërisë për personat me aftësi të kufizuara mund të jenë të vlefshme për pritës të caktuar. Edhe rrjeti kombëtar ADA dhe qendrat rajonale ADA mund t'i ndihmojnë pritësit për pyetjet që kanë.

Përveç kësaj, në Shtetet e Bashkuara, Ligji për amerikanët me aftësi të kufizuara dhe ligjet shtetërore të aksesueshmërisë për personat me aftësi të kufizuara mund të jenë të vlefshme për pritës të caktuar që kanë pesë ose më shumë listime. I inkurajojmë pritësit të vizitojnë ada.gov dhe të kontaktojnë një ekspert, i cili mund të japë këshilla lidhur me listimet e tyre. Edhe rrjeti kombëtar ADA dhe qendrat rajonale ADA mund t'i ndihmojnë pritësit për pyetjet që kanë.

Përvoja me kushte lehtësuese

Pritësit mund të nxjerrin në pah kushtet lehtësuese të përvojës së tyre që e bëjnë atë më të përshtatshme për vizitorët me nevoja për kushte lehtësuese. Nëse pritësit mund të komunikojnë në gjuhën e shenjave ose të ofrojnë një hapësirë të qetë çlodhëse për vizitorët, ata mund t'i shtojnë këto karakteristika në listimin e përvojës së tyre. Për çdo kusht lehtësues të shtuar, pritësve u kërkohet të japin një përshkrim të detajuar të kushtit që plotëson udhëzimet tona në aspektin e qartësisë dhe rëndësisë. Mëso rreth udhëzimeve tona dhe se si të shtosh kushte lehtësuese në listimin e një përvoje.

Vizitorët mund t'i filtrojnë rezultatet e kërkimit për përvojat duke përdorur filtrat e kushteve lehtësuese. Për shembull, vizitorët mund të kërkojnë përvoja me banjë me kushte lehtësuese ose ku vizitori njeh gjuhën e shenjave. Mëso se si të kërkosh përvoja me kushte lehtësuese.

Përveç kësaj, pritësit mund të zgjedhin të lejojnë pjesëmarrjen në përvojë të personave që ndihmojnë vizitorët me aftësi të kufizuara, pa kosto shtesë. Zbulo më shumë rreth Çmimeve për shoqëruesit.

Kafshët e shërbimit

Jemi të ndërgjegjshëm që kafshët e shërbimit nuk janë kafshë shtëpiake dhe se kanë një funksion thelbësor për të zotët e tyre. Pritësi duhet të pranojë një kafshë shërbimi (edhe nëse nuk lejon kafshë shtëpiake), përveç rasteve të kufizuara të shëndetit dhe sigurisë. Mëso më shumë rreth kafshëve të shërbimit.

Rregullorja e mosdiskriminimit

Komuniteti ynë është ndërtuar mbi parimet e gjithëpërfshirjes dhe respektit, prandaj nuk tolerojmë asnjë lloj diskriminimi në Airbnb. Mëso për Rregulloren e mosdiskriminimit.

E kuptojmë që jo të gjitha banesat ose përvojat mund t'i plotësojnë nevojat e një vizitori, por pritësit nuk mund ta refuzojnë një vizitor vetëm për shkak se ka një aftësi të kufizuar. Të ftojmë të raportosh çdo lloj diskriminimi që has në Airbnb.

Na kontakto

Po vazhdojmë të punojmë për ta bërë Airbnb më të përshtatshme. Për të marrë ndihmë gjatë përdorimit të Airbnb ose për të raportuar një banesë të përshkruar gabimisht se ofron kushte lehtësuese, na kontakto për t'u lidhur me një anëtar të ekipit tonë.