Nëse ke prenotuar një shërbim ose përvojë, por data ose ora nuk të përshtatet më, mos u shqetëso, nuk ke pse ta humbasësh! Mund të kesh mundësi ta ndryshosh rezervimin tënd, në varësi të disponueshmërisë së pritësit dhe rregullores së anulimit të tij.
Nëse je brenda periudhës së anulimit falas të rezervimit tënd të shërbimit ose përvojës, mund ta riprogramosh në çdo orë dhe datë tjetër të disponueshme në kalendarin e pritësit.
Çmimi mund të ndryshojë në varësi të datës së re që zgjedh, por do të mund të kontrollosh çdo ndryshim në koston totale para se të përfundosh ndryshimin.
Nëse ke kaluar afatin e anulimit të pritësit, mund t’i dërgosh pritësit një kërkesë për të ndryshuar rezervimin tënd. Ai do ta shqyrtojë kërkesën dhe do ta pranojë ose do ta refuzojë atë.
Nëse e pranon, atëherë do të kesh një rezervim të ri dhe je gati për t’u nisur. Nëse pritësi e refuzon kërkesën dhe ti nuk mund të shkosh në datën dhe orën fillestare, nuk do të marrësh rimbursim, përveç rastit kur për rezervimin tënd zbatohet një nga rrethanat e përshkruara në Rregulloren e anulimit të vizitorëve për shërbimet dhe përvojat ose nëse pritësi, sipas gjykimit të tij, pranon të të japë rimbursim të plotë.
Nëse alternativat nuk të përshtaten, mund të kërkosh të prenotosh një datë ose orar që nuk është në kalendarin e pritësit ose mund ta anulosh rezervimin.